Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Мызылдаган турбай кайтты. Коо кырлаҥ бу тумчукту, Кош аркадый бу кирбиктÿ, 3880 Килиҥ кара бу кабакту, Кирбее кара бу сагалду. Солоҥыдый бу качарлу, Толы айдый бу чырайлу. Кöргöн кöзи кок чолмондый 3885 Суркурап туртан jаҥду болтыр. Айткан тили от jалбыштый, Айдып отурар jаҥду болтыр. Атту-чуулу баатыр болтыр, Алмын-чулмун кÿлÿк болтыр. 3890 Бек тер бÿткен бу белине Бежен айгыр мал jÿргедий, Ак jалаҥдый бу jардына Алтан ÿÿр кой jÿргедий. Тудунганын бу кöргöзин, 3895 Туу кодырып бу ийгедий, Тартынганын бу кöргöзин, Тайга ийде бу салгадый. Jарынында jапшары jок, Jаан бÿткен баатыр болтыр, 3900 Омурткада ÿйези jок, Бöкö бÿткен кезер болтыр. Кажыгына бу турарда, Кÿнниҥ кöзи бу jабылды, Колын öрö кöдÿрерде, 3905 Айдыҥ кöзи бу карыкты. (Маадай-Кара, стк. 3868—3905) Алт. И.А.Юа.6 Кöгÿдей-Мерген баатыр уул Бÿткÿл бойы бу силкинди. 4820 Ай jалтагы бу чырайы Алтын кептÿ jалтыраган, Кÿн jалтагы бу чырайы Кÿмÿш кептÿ мызылаган. Бÿдÿн килиҥ ол кабакту, 4825 Кызыл барал ол качарлу, Коо кырлаҥдый ол тумчукту, Кош аркадый ол кирбиктÿ, Jарым кайа ол дор jаакту, Толы айдый ол чырайлу. 4830 Бек тер бÿткен бу белине Бежен айгыр мал jÿргедий, Ак jаландый ол jардына Алтан ÿÿр кой jÿргедий. Омурткадын ÿйези jок, 4835 Омок бÿткен баатыр болтыр, Кабыргада ÿйези jок, Калапту бÿткен кезер эмтир. Jалан кептÿ бу ла тöжи