Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

22 Қыс қарындажын алкел шелипкел, иза, алыпта кел қабы- зыбаберди: — Адың адана пер, — тедир Кара Сатчақ* айтча. — Адың аданманча, тиге черге парба! — тедир. — Қара Қаанын, — тедир, — Қара Мӧке поларым, — те­ дир. — Қара Қааның оғлу — Қара Мӧке. — Че, Қара Мӧке, — тедир, — тиге черге парзаң, айаңын- бан тӱшпар! — тедир. Шағана қырлапкелип, қыраң ӧӧре қырады, қыр тӧбере тӱзе- ди, тӱшти. Улуг қара ташчақ чатчыған черге шағана кел кӧдур- кел, шабызабергени: эди-чаны сынман, тыны шықпарды. 23 Тыны шықпарғанда, шыға чӱгӱрди: — Тубан аразынаң алып қарбашчын ақ чазыдың — паза- ларын пар ба? — теп. Пазалары, паза кижи шықпансалды. Анаң на по чер ӱстӱнең алыптары, кӱнӱ чарық алыптары, тооза келип қыйғырдылар. Пир алып келди: — Пис, — тедир. — Қара Сатчақты айтча — ийги пажы- быс қошқан! — тедир. — Ийги пажыбыс қошқан, келерим! — тедир, — саға. Тоғузон пир тас туғлалыг қарындажыңаң пирси келдоқ: — Пис сееңме ийги пажыбысты қудай абычақ қошсал- ған, — тедир. — Че, келлаар! — теп, пылар ийгеле аттарын қачырыбы- стылар. 24 Улуг чуртарынға чедип, келзелер, эзе, парарға эрбеқтеш ээде полғанча, ат ашчаң азақ пелдең ийги ат кире чӱгӱрдӱ. Сында кел қыйғырдылар: — Алып ползар, — тедир, — адыжарға. Алып ползар, кӱре- жерге! Анаң кӧрзе, по Қара Қааның паллары полған полтур. Ылар келтирлер. Нӱба Қара Мӧкенең Ақ Қааның черинде, анаң қабыш полысты. 25 Қабыжа-қабыжа келгеннери: қыс паллары, қыс паллары есть. Мында ноолары, сватать эткен алыптар тоже қадарчаар. Пир чӱс (пис) пир тас туғлалығ пирле ноозын тас туғлағазын ажыбысқаны, иза, ол алып кӧй шықпарды: — Нӱбе, андиг кереқ полған! — тедир.