Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

По пербенсалтыр. Анаң че, ээде айтты, теп суға тумалабы- зарым, теп эмди все время қайнаған суғ ишчаттыр и суға шом- нанбанчаттыр. Ээде ӱш чыл полтыр, суға шонман. Анаң пир қада чолба парчатса, эзе, чазағ чӧрчиңнер! Таға шықчатса, суғы тозылпартыр позунаң, қайнаған суғ. А суқсап- чаттыр, о-о, суқсапчаттыр. А нағбӱр чағысқанда*, мал парған чолда, туйғағында, суг полча же. Партыр-партыр, анаң ол туйғақтаң суғ ижибаларға, пееде чаба чатсалза, анаң ол ат туйғағын суға, аға тумалалпар- тыр. Ээде айтчыңнар! 27. ҚАЙ ЧЫВАШҚА 1 Пистиң алында, ам «Сибирға» тепчабыс, алында Алтынға аал полған. Ол Алтынға аалда чатқан знаменитый қайчы — Қай Чывашқа. Ол Қай Чывашқа — элиг қайчы полтур. И ол элиг ныбақ ысқан полтур. Ӧкӱс Оолақпа Мӧкӱс Оолақ. И ол Ӧкӱс Оолақпа Мӧкӱс Оолақты ызып, пир черинде ол налдырыбысқан полтур. Неправильно айдыбыстыр. И ол аны позу да понял, что неправильно пир черин. Просто, то ли алып адын неправильно адабысқан, вот че-то неправильно айдыбыстыр. Ныбақ соонда эмге келебертир. Келеперип, чииш чиибалтыр. Кроватқа чаткелип, ол алында қанза тарчыңнар. Не, чаткелип қаңза тартыпчығанда, эжиги ажылпартыр. 2 Анаң кӧргени: қара кижи киркелтир. Шойун ошқаш. Қолун- да, алында вот чуроқ течеңнер, чибек э-э, можа тудунсалтыр. Ол ат қузуруғанын қылдаң ӧрдӱрген можалар полчың, мен ки- чигде ол можалар полган. Андиг можа тудунсалтыр. Анаң по арвай кӧрчаттыр: — Сен Қай Чывашқа, ол «Ӧкӱс Оолақпа Мӧкӱс Оолақтың» пир чердиң нандылырыбыстың — тептир. — Анаң артын мен сени қылба шабарға кирдим, — тептир. — Қылба шабыссам, ӱшкӱнӱн пажында ӧлерзиң! — тептир. 3 И ол пағын анаң таштабысқаны, прямо ааң мойнунға кир- партыр. Анаң тартыбысқаны, полдуң ортазынға келтӱштир. Анаң ол ноозуба* шықпартыр. Пурулбар, шығыбал парыстыр. По тур- келип, эзе, мындағылары: