Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Че, анаң улуг кижи ӧрекенге айттыр, ээде, ээде полған, теп. — О-о, чабал кереқке тоғаштырзың! — теп. — Че, пир ча- нын атпан ползаң, эмде қатың да қалбас ээди, анаң позуңда қалбас ээдин, — теп. — Пир чаның чабал этсалтырзың! — теп. — Ам саға не стоит тағ-суга чӧрерге! — теп. — Че, анаң пеере ачықка чӧрбедим! — теп. Анаң Кӧбӱрзӱғ чанға шықтырлар, ачықка чӧрбентир. 26. ООЛАҚПА СУГ ЭЭЗИ 1 Ол Қызыл черде полтыр-но. Еще меең абам в детстве, ылар- дыноқ туған кижи, Акушақовтардың. Пир оол, эзе, кижи алғалақ оол суға энтир-но, эртен эрте. Суға шомарға, Прасқа. Анаң энзе, анда Прастың ортазында таш, поғда таш полған полтур. Ол ташқа қыс палазы одурсал, сарығ шаштығ, узун шаштығ, алтын таратқпа шажын таранбодурчаттыр. Анаң тезе по қыйғлабыстыр-но! Эзе, қайдығ қыйғлаған: «Қысчақ па или қыс па?» — теп, қыйғлаған. Ол тезе, чексенген озуба, пееде қолун таштап — тарағы нооға, суғдын қажыға тӱшпартыр. Позы тезе, аттыбыстыр ноо- даң, таштаң*. 2 Анаң по эмге шығып, ичезинге айттыр. Ичези: — Або, палам, қайдығ қыйал иштепсалдың, перибис! — теп. Анаң энтир, ол тарақты тудунмал. Ол қыс палазы суғдаң пееде кезегенче шықкел, сураптыр: — Тарағым пер! — теп. А ол пербенсалтыр алтын тарақ. Анаң ээде полғанда, айт­ тыр: — Ээде полғанда, сен суғдаң парарзын! — теп. — Мен сени суға тумалабызарым, — теп. 3 Анаң оол тарақты пербен, ээде чӧртир, изебинге суғыбал. А ичези айттыр: — Перибис, палам! — теп.