Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

кӧрӱнменпарды. «Қайаа парды, абазы-ичезинге ноо полуп, кир- бенпарды?» Айпшыйлардың чӱректери сообустыр. 3 Пееде теген полбанча. Ийги эр-эпчиниң эмнеринге партырлар. Оол, ылардың паллары, эмде чоғул. Келлеринең сурағаннары, айтпанча. Ол тӱшта қарақтарынға кроватта кижи қаны кӧрӱнпар- ды. Анаң частық қабысқаннары, ааң алтында постарыңның оола- рыңның пажы чатча. Кӧгӱзи чоғул. Қашқачақ қыс пажын мал- таба кезе шап, кӧгӱзин чиипсалтыр. Анаң аара чоонабертир. Ааң алында тезе, кижи эди чиибеен майылтыр. Қайдерге? Кижи туған кижи, чабал аңма пирге қачан ча- жаған? Қашқачақ қысты ӧдӱрсалбан қайтсыннар? 24. ПИР ҚАТПА ҚАШҚАЧАҚТАР 1 Алында пир қатың эмчеқ палазын қашқачақтар аппары- быстыр-на*. Анаң ол палазын тилеппартыр. Пара-пара келге­ ни — пир черди от кӧйчаттыр. От кӧйчитқанда, ол аға кӧшта пар, анаң эмеқтеп партыр. Эмеқтеп парғаны, анда қашқачақтар, палларды анда отқа қойлап чиипчаттырлар. Анаң кӧргени: позунуң палазы анда одурчаттыр, еще қой- лағалақтар, одағда. Анда эмеқтепчӧрчаттыр. Ам қайде аны, эзе, палазын албаларға? Қошта келерге нель­ зя, қашқачақтар тудубаларлар. Анаң палазы одағдаң эмектеп шықканда, ноолтыр-на, позы чанға эмеқтеп келчиғанда, эмчегин шығаркел кӧргӱстир палазынға. Эмчегин шығаркел кӧргӱскенде, палазы анаң эмеқтеп келгенде, анаң қап ла ал, чӱгӱртир-но. 2 Ол чӱгӱрген. Ол чӱгӱрген кижини, қашқачақтар чедибал ла чӧртирлер, анаң чадық алтынға кирпартыр. Палазын қучуқтан, палазынға эмчеқ перкелип. Чадық алтынға кирпарғанда, қашқачақтар чӱгӱрӱбстирлер, чадықта ажып. Ылар ла чӱгӱрӱбӱскенде, пазоқ турубал, чӱгӱртир. Анаң чӱгӱрчитсе, қашқачақтар қарчы келчитқаннар. Эзе, ол қатқа ӱдӱре. Пазоқ чадық алтынға киртир. Пазоқ чадық алтынға кир- парғанда, қашқачақтар, ээдоқ ажы аттыбал, чӱгӱрибистирлер — постарыңнаң одағларынға. Не, анаң чадық алтынаң шығыбал, палазын эмге ақкелтир.