Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— Эзе, оттаң қоруғуп, от иштебезең теп, ээде чаттым, — те- дир. — Ол апшақты силер адбалғанзар, ол меең палам, — теп айттыр. — Анаң аара мен чӱстӱгӱм, позумнуң чӱстӱгӱм кези- рипсалғам, — теп. — Посколько падырбаштары — кижи па- дырбаштары, кижи падырбажы полчытқанда позум чӱстӱгӱ ке- зиртипсалғам — теп, — эзе, кижи атпазын-ӧдӱрбизин, — теп. — Силер, все равно ӧдӱрбалдар, — теп, айттыр. Че, ам эри кижи алсалған, пашқа кижи. Че, айттыр: — Мен аға қараа кирбессим, — теп. — Пире ле эмчегеш полза, чадарым. Ам ол қат пир недле чадыбысқанда, эзе, аймағынға апшақ келчаттыр-но. Тағдың ээде ле соолап энче, тедир. Суг қажынға энип, анда сыықтапча, тедир, всякий* полча. Анаң кижилер кӧр, эзе, адыбалтырлар. 19. АБАЙДЫҢ ТУҒАН АЙ ҚУЛАҚ Вот, қыс палазы тоже чӧрӱп, тайғада тоже честек чӧр сағаан. Анаң сағанда, кел, абай* қабалған аны. Ол абай тезе, аппара- аппара, пойының ӱнинга* аппарыскен*. Анаң ӱнинге аппарке- лип, анда аны азран ол. Чӧркел, аң тудубалкел, аны пес чииң этпе азрабодурған. Вот, ылер ээде чатқаннар ол қыс ол абайбыла. Ааң соонда ол қыс туғубалған. Тугбалғанда тезе, оланы ээде адапсалған- нар: — Абайдың туған Ай Қулақ ползын, — теп, — оолағын. Вот! Анаң қачан ичезиг саара келгенде, вот ичезигзы ла келгеннерде, тезе адабалғаннар-но ол аны. (Чарбыза қара тӱктӱғ полған. Чарбыза кижи ээдоқ ош, тӱк чоқ. Не индиг полған, — горят*. Ылердиң* был, не, пир оол. Пир оол абайбыла ол қыс палазынаң). 20. ЧЕЛБЕГЕНМЕ ҚЫС Ам айда, ай тоола айда қыс кӧрӱнча, ағаш кӧрӱнча. Ол алында Челбеген айға шықпарып, анда одурчаттыр-но, айға шықпар, а иирде тезе қыс палазы суға энтир. Ол суға энгенде тезе, ол Челбеген ол қысты кӧрӱбалып, айға тартыр-но. Тарт-