Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ааң соонда Шайтан айттыр: — Ам чӱгӱр кӧрең: кем қапчығай чӱгӱрча, — теп. — Ныбырт тӧзӱнде очы туңмам пар, олаңма* чӱгӱрӱш кӧр, — тептир алығ оол. Шайтан ныбырт тӧзӱнге пар, қозанақтың кӧденин тебискен- но! Қозанақ тура ла чӱгӱрӱбӱскен-но! Шайтан қарчы оолақка келген-но. Пазоқ мериг иштерге. 3 Пазоқ мериг иштептирлер: сығырыжарға. Пурната* Шайтан сығыртыр. Шайтан сығырғанда, ағаш пӱрлери пожада тӱш- кен-но! — Ам алығ оол сен сығыр кӧр! — теп, Шайтан айттыр. Алығ оол айттыр: — Сен азақка тур шыдабассың, черге тӱңдери чат! Қолларыңма қулақтарың туу туткелип, тӱңереди чадыбы- стыр. Алығ оолак поғда ағаш алыпкелип, нитке саара шабыза пертир Шайтаның. Шайтан туркелип, айттыр: — Сен сығырыбысқанда, меең қарақтарымнаң от шық- тыр. — Шайтан қайгабыстыр. — Алығ оолақ миндиғ тың сығыр- чаң, — теп. Алығ оолақ одурсал кӧӧче сығырып, одурча. Кӧӧче сығычы полуп. 12. ҚАҚПЫРЫН-АПШЫЙ 1 Алында-пурунда Қақпырын теп, апшый чатқан полтур. Ол Қара талай пажында чаттыр. Апшый Қара талайды тостаң иштиген кебеби кеш, чӧрчаттыр. Ол апшыйдың қазен* полтур: пир қашық* четпес, пир қашық артық эбес. Ээде чиишти чиипчаттыр. Анаң талайды кешчӧр чатса, сооның одағынға ке- лип, чииш иштепсал, парыбыстыр. Анаң келзе қазанында чииш орта қазен қалтыр. Анаң: «По қайт ээде полпартыр?» — теп, айландыра кӧр, тилептир. Одағ