Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

12 Аны уқкан абазы-ичези қайдығ эрбеқте эрбеқтеп алғыш пе- рерге, шабылап тура пердилер. Туған паллары шени оолақка ачынапердилер, кӧӧленепердилер, чииштең артығын талаға азы- рапердилер. Арағынын, қазырыба сыйлапердилер. Аштаған қур- сағын тостурду, арланған сағыжын таратты. Пурунғудаң пеш артық полду, алдынаң он артық полду. Ас па, кӧп пе чатқан пажында, по мында пир темде қыс- чақ айтты: — Че, Соған, парар оолақтарба-қысчақтарба ойнап келең. Пистиң чердең ойунуң ойнабоқ қал, амды саға эриштиг по- лар, — тедир. — Қайтчаң полған, парып ойнап та кӧрең, — тедир Соған. Чепсенижибалдылар, ойнарға парыбыстылар. 13 Кыстар-ооллар ойнапчытқан черге, мындағы чыылылған полпарка, андиг чақшы паллар полтур. Сӧспе да айдыбалар эбес, ныбақка да кийдирип ызыбалар эбес. Кӱн шалып, кӱлӱнӱп тур- ча. Эбире чаннар палтыңнап турча, маттап ӱргӱнӱшкелип ойнап турчалар. Ойнап-ойнап арығ аразынға кирип парчалар. Пашқа- пашқа честеқтер терип чиип турчалар. Ойнап шӧқсӱнӱнмен турчадырлар. Ойна-ойна тем эрткенин пилбенқалдылар. Қызы- лыпкелип, иир киребертир. Қызарыпкелип, кӱн қонар черге тӱжебертир. 14 Ол темде қысчақ Соғанаа тӧбе пазыпкелип, пееде айтты: — Тем келди, арғыжым, ӱйге нанар. Қолдың келе чединижибалдылар, ӱйге тебе парыбыстылар. Чолда парбодуруп, қысчақ сурапча: — Че, Соған, по ойунда қанче тем эртижипсалдыбыс теп, санапчаң? — Аны ноозуң сурапчаң? Пилбенчаң ма? Эртен келген по- зубус, иирде нанбодурбыс пир кӱн ойнабыстыбыс, аны пилбен- чазың ма? — Чоқ, арғыжым, пир ле кӱн эртиспедибис, по ойунду ой­ нап, а ровно пир чыл эртибистибис. Пир чыл алдында, эртен келген эбеспедибис. 15 Аны уқкан Соған ӱрӱгӱппарды: — Пай, қаан қыс палазы, қайдығ небениң кӧзӱ полчаң? Қайде пир чылды пилбен ойнабысчаң полғанмыс? Маға қачан- қачаңоқ ӱйге наннар тем полған, а сен мени тезе, ойунға алақтырыпсалдың. Амды маға ноо иштерге? Мениң ичемме қай