Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

бе ноо-ноо теп, эрбеқтебизебергени, қолуба тоқтадыбызабергени: аға ла тура чыланнар чыылыжып, кедере парыбызабердилер. 9 Алдынаң аара парабердилер. Пара-пара, чалбақ суға четти- лер. Анаң кӧргени: ноо ла теген небе мындағы черде қайнаш турча. Кайдығ ла мында паға чоғул: қара, ақ ала, сарығ, кӧк пағалар қайнашчалар. Шағанаң келип, нақлаш турғаннарда, уру- нужун қаан тегриге шабылып турча. Келип, азағы пазар чер чоғулзын. По қыйалды кӧрген Соған анаң кӱштең қоруғуппарды, анаң кӱштең чалжыныппарды. Қыс палазы ноо-ноо теп, сыбырапке- лип, эрбектебизе пергени: аға тура чоқ полубузу пердилер. Аның аары ағаш аразынға аралып киребердилер. 10 Анаң кирип парғаннарды, маас шығып кӧбӱ рой чилеп, учуғуп шулатчалар, айды-кӱндӱ туғлапчалар. Кыс палазы ноо-ноо теп сыбыралып, эрбеқтенибизебергени: аға ла турған, пайағы маас чоқ полуза перди. Алдынаң ара пара-пара: ақ чаланча шықтылар. Анаң кӧбӱзе эбире саттар* чакайлеп, честеқтери салалы сындыра турчалар. Честеқтери салалы сындыра пазып турчалар. Ужу-пажы пилдир- бес қалық чадып чуртапча, тағ-суғба суқтанышчалар. 11 Алдынаң аары рақта эбес ақ Тиқтим-тағ кӧрӱп таптылар. Аға тӧбе тӱжӱп парабердилер. Аға чедер-четпес шенеринде тӱш чердең эжиқ ажа шабылды. Аға кирепердилер. Ааның иштинде таштындағ-оқ ошқаш, чарық полғанче! Алтын-кӱмӱшпе пал- таңнанып турча. По улуғ қуйдуң иштинди қара паштарынға қыр шабыппар- ған аба-ичези қыс палазын кӧргеннерде, читке-мойдунаа азыла- бердилер: — Абоғ, ачығ палачағыбыс! Кӱннӱг черде кӧрӱпчабыс па, қарашқы черде полча ба? Парганнаң пеере, ӱш чыл эртиппарды. Сени тоғажып кӧрерибис теп, чери санабадыбыс тириғ тириги- бе уйғу чоқ сениң ачығын ачыдыбыс, — тешчадырлар. — Че, қайдерге, мениң аба-ичем, ӧлӱп шықчан кӱнӱм маға олоқ-олоқ чедипкелген полған. Мно оолақ мениң арығ тынынмға арығ черге кирижип қалды. Ол чоқ полза, мениң кӱнӱмдӱ қачан, қачаноқ салғын қабыппарар ээди. Отқа кӧйӱппарар эдим, — теп. Қайде полғанын-уғулғанын аны нандыра шығара чооқтап- перди.