Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

670 Пӧжен чайалған позуңма Ақ чарық иштинең, — тедир, — Қысты сылғапкелип, Қыстың артығын қысты аларзың, — тедир. — Алтын Сабақтың артық Қысты тап, аларзың, — тедир. Пону уқкан Қан Оолақ эрбеқтепча: — Эзе, ат позу, алып позу Ақ қор ат, — тедир, — Ийги пажым қожулған 680 Алтын Сабақ полган, — тедир. — Ийги пажың да Қожулған полза, Пашқа чердең пар, қыс тиле, — тедир. — Мен, ақ қор атпа, Арығ кӱш санапкел, Қабыжарға саназаң, — тедир, — Ақ чарықта паза Айлантыр чӧрбессиң, Қан Оолақ, — тедир. Қан Оолақ тӱңдере кӧрген қарағың, 690 Ӧӧре кӧрбен, сананбодурча. Қан тайға тӧзӱнең Абам черинең шықчында, Қан Алып, абам Айткел, ыстырған, — тепкел, пӧгӱнча: — Ақ чарық иштинди, палам, Сен қоруқчаң алып чоқ. ӱш қулақтығ алып позу, ноо ат позу ӱш қулақтығ ақ қор атпа Сен сӧс талашкел, қабыжа пербе, теп, 700 Айткел ыстырған, — теп, пӧгӱнча. Ақ қор аттың қолунға кирпарзаң, Ақ чарықта Толдура да тӱген Ӧлбес-парбас Қан Оолақ палам ползаң, Ақ чарықтың чазарзың — теп, Ээде эрбеқтенди — теп, сананча.