Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ақ Қааның мӱӱстиң ныңнақ Нанчызы Қан Алып, — тедир. — Эзе, Қан Оолақ, — тедир, — Қан Алыптың да палазы ползаң, — тедир. Қыс палазын мееңме талашпарзаң, — тедир, — Ақ чарықтың час ӧлгенин пилбессиң. Алтын Сабақ — тедир, — ӱш тӧлге четпарған Ақ Қаанға 640 Ақтап-шаптап аға алчабыс, — тедир. Пону уқкан, пону кӧрген Алтын Қаан, Ақ Қаан анаң кӧрсалды: — Не*, ӱш қулақтыг ақ қор ат Улуғ сағыжыңма Сеең қызыңны алдырча, — тедир — ӱжӱнчӱ Алтын Сабақты. Еш тӧлге четпаргам, мен Ақ Қаан Қайде алчың полғам, Алтын Қаан нанчымның қызын, — тепкелип, 650 Айт ла қамчыба тынымны Асла шығара шаптырыспам, — тедир. Пону уқкан Алтын Қааның Ийги қарааның чажы Мунчуқ шени қорлат, тӱштӱ: — Адаңның ачыйы ползун, Ақ Қаан, — тедир, — Ады читкен ӱш қулақтыг ат позу Алып позу ақ қор аттың Қайа киркаларға, — тедир. — 660 Сенде қыйал чоқ, — тедир. — Ол, парчын ақ қор ат иштепча, — тедир. — Сен, қаарпарған нанчымға по қызымны Қайде перчең полгам, Оно, аны айдаперзең, Ақ Қаан, нанчы! — тедир. — Позум да санап, сагыжымга кирбенча, — тедир. Алтын Қаан нанчы, — тедир. Ақ қор атпа Қан Оолақ Минде кел, эрбеқтешбодурчалар. — Эзе, пӱгӱн, — тедир, — Қан Оолақ!