Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Тоғус қарақтығ алтын ок^гын ӱстӱнең Шағана кел сегрибиза пергени, Чӱгӱр парчитқан қан қор аттың алынға Тоғус тегри алып, пар тӱшти. Анаң артын қырық ашқымнығ Алтын тайғаның тӧзӱнге Чӱгӱр сегрибизе перди. Анаң кӧрбодурғаны: 600 Ақ тасқылдың тегейинде Ақ чибеқ тартыпсалғаннар полтур. Шағана келип, Ақ тасқылдың тӧзӱнең сегрибизе пергени, Ақ чибекти аалынға азағы тегбен Соонға азағынға теппен, Ээде шығара ажыра кел аттыбыза перди. Тоғус тегри соонаң ӱш қулақтыг қан қор ат Анаң кел, ақ чибеқти ажыра кел, атқалды, 610 Пону кӧргенди, ӱш қулақ^ыг қан қор ат* Тӱрледе кел, силгинча, Тӱпледи кел, тебинча. Ақ Қаанма Алтын Қаан анаң кӧрбодурғаннары: ӱш қулақтыг қан қор ат Тогус қадыл кӱмӱш қуйақ кескен Алып тӧлӱ кел тура сегриди. Тоғус қадыл кӱмӱш қуйақтыг Алып тӧлӱ тура сегриде, эрбеқтенча: — Пеере келза, Қан Оолақ, — тедир. 620 Қан Оолақка пае келди. — Эзе, Қан Оолақ, — тедир. — Ат мерийи, — тедир, — Ақ Қаанның полду, — тедир, — Мен алпардым, — тедир, — Қыс палазы талажарзың ма, Талашпассың ма? — тедир. — Сен, — тедир, — оңнапчан, — тедир, — Ақ Қааның оғлан тӱпгга, Алтын Қаан кӱзе ӱжеле 630 Ақ чарықта эбир чӧргеннер, — тедир. — Қан Алып абаң, — тедир, — сеең