Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Пӧгӱнде, пӧгӱнде: — Че, — тедир, — ақ чарық иштинең 710 Пашқа қыс сылғапкел, Алғайым, — теп, пӧгӱнче. Ады читкен ақ қор атпа Абам айтқан сӧс талашпассың, — тепкелип. Қан Оолақ ийги қараан* Ӧӧре кӧдӱркел, эрбеқтепча: — Эзе, адыңоқ читкен, ӱш қулақтыг қан қор атсың, — тедир, — Алып кӱштӱг, ат кӱштӱг Қан қор атсың, — тедир, — 720 Қан Алып, абам, Қан тайға тӧзӱнең шықчытқамда, Айткел, ыстырған, — тедир. — Ақ чарық иштинде Сееңме эрбейкел тудунушчаң Паза алып чоқ, палам, Ады читкен ӱш қулақтыг қан қор атпа Э-э, ақ қор атпы ла қабыжа пербе, — тепкел, Айткел ыстырған, — тедир. — 730 Ақ чарықтың часқаның пилбессиң, Тепкел айткан, — тедир. — Че, ақ қор ат, — тедир, — Пашқа чердиң қыс тапқайым, — тепкелип, Қан қор адың чединмалып, Ноо, алтын эзеринзаа* пастырпарды. Алтын эзерин алкелип, ӱстӱнге таштапкелип, Тоғус қолайын тыткелип, Ат ӱстӱнге чарғанат шени кел, чапшынды. Пура тартыпкелип, 740 Шағана кел қачырыбыза пергени: Шақ-по черде қызыл чалың ӱстӱнгӱзе Қырық тегри қына шабылпарды. Тоғус кӱнге шығара ажылбас, Таш мӱндӱр шапқалды.