Якутские народные сказки - 2008 (Т. 27)

күрд<ь>үккэ көмөллөр. Чэп-Чэгиэн дьиэлээх Чэм-Чэмиликээн эмээх- синин өлөрөн баран, көҥдөйгө анньаллар. Хоп-Дьип кийиитин күрэ- тэн бараллар. Оттон оҕонньор букуй-такый тайыытынан д<ь>иэтин муннугун тоҕо хаһан, куотар. 4 Оҕонньор туох да олус абарар. Хасса суох санаата киирэн сэ- рииһиттэри эккирэтэр. Өр барта дуу, өтөр барта дуу? Арай биир күөлгэ тиийэр. Тиийэн көртө: күөл мууһун ортотугар сэрииһиттэр бука бары таал курдук утуйа сыталлар эбит. Оҕонньор утуйа сытар дьоҥҥо тиийэр да, аҥаар кытыыларыттан букуй-такый тайыытынан түһэрбитинэн барар. Бу курдук бука барыларын өлөрөр. Оҕонньор биир да киһини саҥарпат, сүрэххэ анньан иһэр. 5 Арай өйдөөн көртө: били Хоп-Дьип кийиитин кытта өлөрөн кэ­ биспит эбит. Оҕонньор икки хараҕа лоҥхойо* иһиэр диэри ытыыр. 6 Ытаан-ытаан баран, оҕонньор д<ь>иэтигэр төннөн иһэр. Арай аабылаан иһиттэн куобах ойон тахсар. Оҕонньор, били ытаан-соҥоон туймастан иһэр киһи, улаханнык соһуйар. «һук!» — диэн баран ойоору, оҕонньор букуй-такый тайыытыгар атыллан, өлөн хаалар. Ол курдук бука бары сабыллыбыттара эбитэ үһү.