Якутские народные сказки - 2008 (Т. 27)

— Абатыкайбын, оҕолоор! Биллирик түннүгэ ханна эрэ баар буолла? Ньыы-Ньыы эмээхсиэн, бааргын дуо?! Аҥаар илиитинэн тайаммыта — биэс тарбаҕын бэһиэннэрин лэһигирэтэн кэбиһэр. Уон тарбаҕа суох буолар. — Аата*, оҕолоор, уота ханна баара буолла? Дьиэтэ тоҕо ха- раҥатай? Тугун хараҥата бэрдэй?! — диир. Илиитин табаҕайынан бугуурдук (остуоруйаһыт хамсанан көр- дөрөр) оһоҕу хаһар. Оһох уотун хаспытыгар — икки сымыыт икки хараҕын тэһэ тэбэн кэбиһэр. — Абатыкайбын эбит, оҕолоор! Ньыы-Ньыы эмээхсээн, бааргын дуо?! — диир. — Уһааттаах уута ханна эрэ баар буолла? — диэн уһааттаах ууга илиитин батары анньар. Илиитин батары биэрбитэ — сордоннор икки табаҕайын ытыран кэбистилэр. Ол ытыран турдахтарына, «Абытакайбын, оҕолоор!» — диэн саҥара турдаҕына, эмээхсин кэтэххэ батыйанан биэрээр — мэ- йиитэ түһэн кэлэр. 11 Дьэ, маҕыһын өлөрөн, дууһата сынньанан, эмээхсин түннүктэрин аһан кэбиһэр. Түннүктэрин арыйан баран, маҕыһын илиитин хайа баттыыр. «Хаҥас эрбэҕин сүрэҕин хайа анньаар», — диэбитэ Чыҥыры- каан кулубата — кутуйах кулубата. Онно хаҥас илиитин сүрэҕин ан- ньыбыта: аҕыс уон үөр сылгыта, биир да кулун итээбэтэх, тоҕус уон хотон ынаҕа — барыта баар. Дьэ-э, ынахтар, сылгылар хотоһон таҕыс- тылар! Сэттэ уола, сэттэ кыыһа тыыннаахтар! Эмээхсин үөрээри үөрэр. Били баҕайыны таһааран уоттаан күөлэһитэллэр. Үөрээри үөрдүлэр. 12 Уруккутунааҕар уон оччонон ордук ыаллар буоллулар. Кулубала- рыгар улаханнык бэлэхтээтилэр. Сүүрбэ сэттэ, үс тоҕус, сылгыны, ынаҕы биэрдилэр. Чыҥырыкаан* кутуйах кулубата, туга да суох. От тэлгэЬэлээх эбит. 17. ЧӨПЧӨӨКӨӨН-ЧӨПЧӨӨКӨӨН 1 Биир ойохтоох, уоллаах кыыс оҕолоох, күөх эбириэн оҕустаах, икки ынахтаах, икки биэлээх, икки тыйдаах, биир бороосколоох, Киэҥ Чэҥэлик диэн күөллээх Чөпчөөкөөн-Чөпчөөкөөн диэн олорбута эбитэ үһү. Чөпчөөкөөн-Чөпчөөкөөн Киэнг Чэнэлик диэн күөлүгэр ба- лыктаан-туулаан аһыыр идэлээх эбит.