Обрядовая поэзия и песни эвенков - 2014 (Т 32)

1 Бэе бумуллэкин —сичипканма овкил. Алгадянал, тар сичипкандули нун-анмāн ігэнэвкэнывкйл, гунденэл: —Уēдӯвӣ нэнэдекэл, Айн Майн, бэлэдекэл! 2 Сэнгкирэт тыпувканывкйл тар бэевэ. Тар сичипканма дэлкэндӯ нэвкйл-гу, һāдыл дегдывкйл. Орор бумӯллэктын —нян сичипкандули нэнэвувкйл, һильбэвкйл. Курē амнадӯн тар сичипканмэ тэвувкйл, та­ дук һильбэвкӣл орорво сичипкандули нэнэдэтын. Саман бимй —саман тара сшкй, āчин бимй —сагдыл ōвкйл. 123. [МУНЬГЙЛ ЭВЭНКЙА БуМӯДЕРӢ БЭЕВЭ ЧИЧИПКАНДУЛИ нэнэвувкил] 1 Мунн’йл эвэнкйл бумӯдерй бэевэ чичипкāндулй нэнэвувкйл. Чичипкāнма ōвкйл ирэктэдук, дюр һалāничйдук. Тар ирэктэвэ гадянал, һāдыл тэкэндулэн пэктырэнивкйл. Лӯккāна-гу* ōвкйл, так-ку* бэрит, пистōндй-нюн* пэктырэнивкйл нонолй, гадавар. Тар һалāнин дюр һалганын ōвкйл, дылван дэрэчйе ōвкйл, тадук иливувкйл. Саман мэнын гундевкй йдук тар дюр һалāчйва ирэктэвэ гада, йдӯ иливкāндā. Элэ чичипкāндулй н’энэвувденэл, самāн алгавкй, икэвкй: —Айн Майн, бэлэдекэл! Айн Майн, сирāдякал! 2 Тадук бэевэ нэнэвуликтын —гунывкй, алгавкй: —Уедӯвй н’энэдекэл, Уһйкэн’ис эгин этыргэрэ! Тар чичипкāнма һимāкāндй самивкйл: уивкйл, һэркэвкйл һалгарбāн, дэлкэндӯ нэвкйл горолō, дяявкйл, нй-кэт эдэн илечэрэ. 124. СИЧИПКĀН Сичипканма умун тэгэ, Кэптукэр-гу, Пуягирил-гу нонон анн’анытыкин ōвкйл биһйтын. Сичипкāндулй кэнэнэл, гэлэвкйл, аят бидэвэр, эдэтын бумӯрэ, оротын аят бидэтын. Нульгивкйл тар сичипкāндулй. Самāтнын алгавкй, самана āчин бидинэтын — сāрй сагды ōвкй. Элэ нульгиһинывкил, алгадянал: