Обрядовая поэзия и песни эвенков - 2014 (Т 32)

2 —Буркан аят некэрэн, — гуннэл, энинин-аманин нэнэдинэтын, тар урушюкучиксэл. Нэнэвкил — каятын омӣтчиьгāтын? Кэ, аһāл-гу, куыāкāр-гу неһӯниндиьгэтын. Таду гунивкил бичэл: —Тар дылирыгар энэл орорду һэкипкэнэ —нāн элдегэтын ичэвул- лэ, демӯливкэндинэтын, —сагдыл гунипкил. —Э-э, сāдиьгāвун. —Дылиьгмар энэл энэрэ, олдōндӯ наманнакаллу, орон олдōн- дӯн, —наны сагдыл алагӯчипкил. Энэрэктын, уктылдемэлэ бидинэтын нани. Кэ, неһӯчēл эмэпкил. Наманаватын ичэпкил сагдыл, аят-ку нама- чал, гуннэл, дылиьгар. Тадук гунипкил сагдыл, нэнэвкил: 3 —Орорду эчэвун һэкипкэнэ, Эчэвун синэ энэрэ, Одōндӯ намачāвун. Экэллу уктылчэл бирэ Эдук дюлёскй. Аят одёкйттав синэвэ, Орорду эчэвун һэкипкэнэ. Эдук дюлёскй эрэгэмэ Ичэвулдекэллу! 56. ЭҺЭНӯНМЭ ҺИРГЭ 1 Эһэ аһӣва сот эвкӣ илечэрэ, бэе калтакан нун’ан. Эһэнӯн һигрэкис — аһймагачйн бивкй. Тадук гунывкйл: аһāлва муланывкй. Эгдэндӯ бакалдыһāл, аһāл нонон укурвэр ичэвкэнывкитын, эдэн илечэрэ. Умнэкэн бӯ һймиктэлэрйвун. Тавуксāл, тадӯ-ты чаимытыллав. Умнэт эмэрэн. Эрмэ —илитчавкй. Дюр һутэчй. Миндӯ гунывкйл гйл: «Гэлэкэл, синэ этэн илечэрэ» (бй һунатканмй гача биһйв). Элэ һиргэм: 2 —Эвэкэ, бэе калтакан биһинны. Һутэкэчй биһим — Гудякэл һутэвэв! Экэл мунэ илечэрэ, Экэл, экэл! Сй нян һутэчй. Нэлумэ, н’элумэ, гудякэл! Тарты н’энэрэн, эмэнэн.