Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Та кандыг черинде Хан-чининде та бар, 800 Та чок деп турда, Чите соңгу чүктен Кара шиижек кушкаш ужуп келгеш, Бир дыттың чочагайынга хонгаштың, «Сыыйт-сыыйт» деп эдип олурарын 805 Дыңнап олурарга: "Улуг унун чазарлап турган херээң чүү боор? Улуг-хырнын чара кезипсиңзе" — деп Сыйтыңайндыр эдип олурар бооп-тур эвеспе аан. "Бо чүнү канчап турар кушкаш боор?" — дээштиң, 810 Улуг-хырнын чара кезиптерге: "Хем деп чүве кежиглиг, Арт деп чүве ажыглыг, Канчап барган кара дүн болу берди?" — дээш, Өрү-куду Сайын-Куу хавырчызы 815 Шапкан-на бооп-тур эвеспе аан. Ол орта-даа Ам чүү боор Оон Сайын-Куу хавырчызын уштуп алгаш, Шил бажыңның иштиндиве база-ла 820 Биеэги-ле ийи шивишкини, иези База-ла үзүм-чигири-биле Тежээдип турган иргин ийин. Бир эртен туруп кээрге-ле, Шил бажыңның 825 Он сес каът Таңгыт кара шоочазы-даа Дүүнгү кежээги хевээр, Шил бажыңның иштинде Оглу-даа чок боор, 830 Куруг кавайы чыдар бооп-тур эвеспе оң. "Сен корбээн сен", "Сен корбээн сен", "Сен согур", "Сен согур", — дижип, ийи шивишкин. 835 "Хаан, кадын Бажывысты алыр-дыр" — дижип, Ыглажып-сыктажып Олурар бооп-турлар эвеспе аан. Бир көрүп кээрге, 840 Кавайында бажын чайып, Ойнап чыдар бооп-тур. Эртенинде коорге,