Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Оол аъдын тудуп эккелген. Арга чонун чыггаш: "Оолга эки ат адаан кижини 4410 Эт-биле эктин ажыр, Мал-биле мага хандыр Шаңнаар мен. Бак ат адаан кижини Малчынның малчызы, 4415 Кулчуннуң кулчузу кылыр!" — деп, Чарлал үндүргеш, Бир айда улуг найыр кылып туруп берген. Ай четкиже, ат адаан кижи чок болган. Адак-сөөлүнде будун дулай чээн, 4420 Холун даянгыыш чээн, Ушпа кырган кок баштыг кадай Элеңайнып чоруп олурган. Чон орук чайлап турган, Кадай келгеш: 4425 "Мынча чонда оолга Ат адаар кижи тывылбаан дээрге, Эки ат адааш, Шаңнал көөр харыым-даа чок, Бак ат адааш, 4430 Малчын-кулчун-даа боор харыым чок. Хүнүм манаан амытан мен, Кай, оглум, кай, аъдың кай? Чоруур кылдыр белеткенгеш кел!" — деп Кый дээн кадай-дыр эвеспе аан. 4435 Оолду-даа эдик-хевин кедиргеш, Херекселин чүктедип азындыргаш, Аъдын мундургаш, Кадайның чанындыва чорудуп каап-тыр эвеспе. Чөнүк даяңгыыжын таккылады даянып чорааш, 4440 Бир долгандыр кылаштааш: "Аът-даа аът-ла-дыр, Оол-даа эр-ле-дир! — дээш, Хан-Шилги аъттыг Хан-Чеңгей болза кандыг ирги, чонум?" — 4445 Деп-тир эвеспе. Хой чон болгаш Боктуг-Кириш: "Болур, чогуур ат-тыр!" — дижип, Хоглеп, найыр-дой-даа дам барган. Кырганны-даа ак энчек кырынга олурткаш, 4450 Дорт кижи көдүрүшкеш, Боктуг-Кириштиң өөнге эккелгеш,