Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Кире хонуп кээрде, 4105 Сараатай-Мөгениң ийи колдук алдындан часкааш, Каптагайны хайындыр, делегейни дээскиндир, Үш айның тозан хонукта бөөлдеп-бөөлдеп, Иеден төрээ-ле чүве каап көрбээн Эмдик чан башка чайлыг салгаш, 4110 Кок дээрин холбеш кылдыр, Кара черин сирт кылдыр, Көк дөңнүң кырынга Көп-белдирин уу чоруй дүжүрүп ап-тыр эвеспе. Боктуг-Кириш аптара дег ак хөрээниң кырынга 4115 Сандайланып олуруп алгаш, "Ада-ием алгаш, ажыын тоткан, Үвүм алгаш, үвүрере тоткан сен, Өлүрер кижиниң сөзүн алыр, Өлүрген малдың ханын алыр чүве, 4120 Сөзүң сөгле!" — деп-тир эвеспе. Сараатай-Мөге: "Мен оран кезип, олча хайып чорааш, Олчалап алганым-даа шын, Бакты кылган соонда 4125 Чагаа-даа чүү боор, Өлүрер, диргизериң бодуң билир сен, Чаңгыс аъдымны бодуң аъдың-биле Дөмей эдилээр сен" — деп-тир эвеспе. Боктуг-Кириш оон тура халааш, 4130 "Коң эъдин алдыгының курту черинче киирип, Үстүгүнүң кужу дээринче дажыглап Чигей аан!" — дээш, Чүк-чүкче кезип, октап, Кежегезин тура соп алгаш, 4135 Чарт сөөгүн кош арганы хоора соп эккелгеш, Улуг одун ужуткаш, орттедипкеш, Сараатай-Мөгениң херекселин Довук, дорзук кылдыр үргеш, Таалыңнай соп алгаш, 4140 Сарыг-Шокар аъттың дергизин дергилээш, Четкеш, хап келгеш, Чылгычы ашакка эккеп бергеш: "Бо эът-кешти өөрүң-биле үлежип ал — дээш, Аъттың эзер-чонак херекселин суп каг,