Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

3795 Ай-Хаанның уруун база-ла ынча дээш, «Соңгу ачы үрениң уруглары "Хоп-хоп" деп сүрүп тудуп ойнаар Сарыг-шокар ховаганы бол!» — дээш, Ийи холдарындан сегирип алгаш, 3800 Угаанын тениди бөөлдеп, бөөлдеп, Уйбалаштыр үрүп чоруткулап-тыр эвеспе. Боктуг-Кириш Аян-Кулазын Даргададып салгаш, Сылдыс-Шокар аъдын мунуп, 3805 Айда аңнаар аңын аңнап, Алдын-Сараланы мунуп, Малын айда малдаар Хүрең аъдын мунуп, Ара эдин, арга чонун 3810 Айда ончалап-ончалап, маржалап, Биче кадайы-биле Элдиг-Кара хемниң белдиринге Чурттап турда, Бора-Шээлей чедип кээрге, 3815 Аргактыгның аскындан, Көргектигниң хөрээнден Далай дег арага, Таңды дег эъдин белеткээш, Үш айда үзүк чок 3820 Улуг найырын кылгаш, Дыңмазынга Хүн-Хаанның берген Эт, малы-биле Агылдыр ашакты баштыңнаткаш, Көжүп чорудуп каап-тыр эвеспе аан. 3825 Шыяан ам! Боктуг-Кириш дээрзи, Кырган ада-иезин сактып, Дүн болурга, дүштен ыравас, Хүндүс сагыштан-даа ыравас бооп кээрге, 3830 Кажан-чежен одарладып салган Аян-чорукка мунар Аяң-Кулазын кый деп эккелгеш, Так кылдыр баглап, Дага кылдыр соодуп, 3835 Кадайынга: "Аяң-Куланы өйлуг оъттан. Өйлүг сүгдан берип, Аян-чорукка хереглээр Аъш-чем, күш-хүнезинден белеткээр сен" — деп чагааш,