Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

3440 Кадайлар карттаар Каът сайгыраанда Бичии чин-чанныг Бооп-тур эвеспе. Хаан пат-ла кайгааш, 3445 Мыйыстыг ак шарыны тудуп бергеш "Эртен барып ижер мен, Эр инектиң эрегей тарааннан — Тарактап каг" — деп-тир эвеспе. Ашак шарызын мунуп алгаш, 3450 Чанып келгеш: "Хаанывыс эртен моорлап кээр болду, Мен эр инектиң эрегей тараан Тарактап каар болдум" — деп Хөөреп олуруп-тур. 3455 Уруу оргаш: "Эр инектен сүт үнер чүве бе ынчаш, ачай?" — деп-тир. "Ой, та, уруум, шында-ла Хаанымның ол чүү дээри ол чоор?" — дээш, Ашак база-ла муңгагдай берген орган. 3460 "Чаа, мен билгей мен аан, ачай" — деп-тир. Эртен хаан хап олурган. Адазынга: "Сен өгден үнме" — дээш, Эжик аскында бажын дырап олурган, 3465 Хаан дүшкеш, өгже чоруп олурган. "Ой-ой, хаан, ачам божуур кижи, Эьди аарый берип-тир, Өгге кижи кирбес" — дээш, Доза чүгүре берген. 3470 Хаан тургаш "Эр кижи канчап божуур чүвел?" — дээн. "Чөп-түр. Эр инектен сүт канчап үнер чүвел, хааным?" — дээрге, Хаан чүү-даа дээр аайын тыппайн: "Бажың дүгүн каш деп дырап олур сен?" — деп-тур. 3475 "Силер аалыгардан бээр Аъдыңарны каш баскан деп Бодап тур силер, хаан?" — деп Удур айтырып-тыр эвеспе. Хаан-даа: 3480 "Уругга аскым хактырдым*, Мооң моозун билбедим. Хамык ужур мында-ла чүве-дир, Мооң-биле ам оралдашкан херээ чок тур эвеспе аан" — деп бодап Хап чанып кээп-тир эвеспе.