Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Арткан хос хөрээн 1545 "Эки эрниң үрезинин үзерге Кайыын боор!" — дээш; "Соңгу ачы үрениң Кудумал хүлериниң эгендизи болзун!" — деп, Бели соңгу ачы үрениң 1550 Алгы хөм далгыыр Адыр далгыы болзунГ' — деп, Үрүп, омнап-сомнап турган Бора-Шээлей-дир эвеспе аан. Күжүр Бора-Шээлей: 1555 "База бир бергени аштым эвеспе!" — деп Бодап, аъттангаш, Хүрең аътка келгеш, Херекселин суккаш, "Сарыг чылгы аразынга 1560 Чаяаң чара, комуң хоора семирип ал!" — дээш, салгаш, Ай-Хаанның аалынга хап келгеш: "Ам чүү боор, кандыг Адаан-мөөрейиңер бар чүвел?" — деп Кыйгы салган. 1565 Ай-Хаан уткуй үнүп келгеш: "Аныяк кижи андыг далаш болбас, оглум, Өгге кирип, аъш-чемден чемнен, Адаан-мөөрей чок" — деп-тир. Бора-Шээлей аъдын баглаашка баглап кааш, 1570 Хаанның өргээзинге кирип кээрге, Сес каът сарыг олбуун чаткан, Амданныг чаагай аъш-чемин салып хүндүлеп: "Ак өгнү тип, азыраан мал, Ара эт, ара-албатым ортузундан үзүп, 1575 Уруум-даа бээр мен, эки күдээм, Айның чаазында, хүннүң экизинде Көжүп чоруур силер" — деп, Хөөреп олуруп-тур эвеспе. Бора-Шээлей: 1580 "Чаа, андыг-дыр, хаан катым, Чоруум ам-даа элек кижи мен. Мен чоруум кылмп алгаш, Чоруй кээр мен. Саадай бээр боор мен, 1585 Чанарымда далаш апаар мен, Саат чүве кылбас силер. Алырым аайлап бериңер,