Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Олурган-даа чүвең иргин ийин. 1500 Бора-Шээлей олургаш "Мөөрейни сен билир чуве болза, Хей, хоозун чуве кылбайн, Бодуң келир кижи сен ыйнаан, Чоруум далаш кижи мен, 1505 Кажан, чаяа көржүүр бис?" — дээш, Хөлчүк болган ала карраан хөлүңнеди, Арын Хирээти болган ала караан Аңдара-дүңдере көргүлеп, Олуруп-тур эвеспе аан. 1510 Хүлер-Мөге олургаш: "Харын көржүр болза. көрүшкей-ле бис, Ам эртен даң бажы шара-хере, Даш бажы сарыг-шокар турда, Карак четпес сарыг ховунуң ортузунга 1515 Көржүүр бис: Сен ол чартыындан кээр сен, Мен бо чартыындан баар мен" — деп Ажынып хорадап олуруп-тур. Бора-Шээлей: "Мен-даа белен мен!" — дээш, хап чоруткан, 1520 Сарыг ховунуң ол чартыынга Аъдын киженнеп каггаш, Даңны аксы дагдынып, Дүгдүнүп олура хонган. Даң бажы шара-хере, 1525 Даш бажы сырыг-шокар чорда, Хүлер-Мөге белеткенип алган, Дээринге чедир девип Чоруп олуруп-тур. Бора-Шээлей уткуй девип чеде бээрге, 1530 Бугалаштыр хыйыртап көөрге, Удур хыйыртааш, Соора-саара шелгилежип чоруй, Кап-шак сегиржип алгаш, Үш айның тозан хонук доктаал чок 1535 Бөөлдежип, тырыкылажып келирде, Бора-Шээлейниң хөрээнде Ийи мөге күжү кире хонуп кээрде, Бир эптиг тудужу-биле, Колдук алдындан часкааш, 1540 Бир айда тырыкылап.тырыкылап, Борбак тейниң бажын орта кагар орта, Бели үзүлгеш, белде барып дүшкен, Хос хорээ холунда болган,