Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

1455 "Мен кезенмедим, Боктуг-Кириш акым кезенди! Мен тыртпадым, Боктуг-Кириш акым тыртты!" — дээш, Кезенип, тырттынып туруп берип-тир эвеспе аар. 1460 Эртен тырттынган боду Кежээге чедир, Кежээ тырттынган боду Эртенге чедир тырттынып кээрге, Ок туткан холундан от хып, 1465 Ча туткан холундан Чалбырааш чайыгайнып, Чазының алдыы, үстүү сагындан Ыш буругайнып кээрде: "Мен атпадым, 1470 Боктуг-Кириш акым атты! Ине туткан холумга илдикпЬ, Чүскүк туткан салаамга шүңнүкпе!" — дээш, Шып-шынап шыжыктыр тыртып эккелгеш, Ышкына чоруй сала каар орта 1475 Тевениң үттүг-чарнын өткеш, Дилгиниң үттүг-чарнын чире, Мөңгүн тевенениң үдүн чире, Чүс шары чүъгү чырааны өрттендир, Демир көжээниң дал ортузун одура деггеш, 1480 Кургаг ховуже Кулбурап бар чыткан огун Карак чивеш дээр аразында Халыдып баргаш сегирип турган Бора-Шээлей-дир эвеспе. 1485 Шыяан! Күжүр Бора-Шээлей: "Бир бергени аштым эвеспе" — деп, Боданып чоруп олуруп-тур. Хап келгеш: "Мээң адыым болган бе, 1490 Болбаан бе, эштер?" — деп, Чоргаар айтырып-тыр эвеспе. Хөйден чүнү-даа чугаалаваанда, Хүмүш-Хүлер мегеден: "Сенде-ле болду, андыг-даа болза, 1495 Сен ышкаш чүве-биле Каш-каш мөөрей-биле көржүр мен" — деп, Удургузун улчуктур дайнап, Даг дижин дыйырады дайнанып,