Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

1235 Чораан чоруктуң кандыызын канчап билир, Маңаа аът-бот дыштанып алыр-дыр" — дээш, Дедир ойтур тырткаш, Алдайның артынче дуже халыткаш, Арга чартыыннан "айт" дээш, 1240 Мээс чартыынга дүжүрүп, Үжен-дөртен сыын-мыйгаан кыра хомээлеп, Мээс чартыыннан "айт" дээш, Арга чартыынга дүжүрүп, Алдан-чеден аргар-кошкарларны 1245 Кыра дизе хомээлеп эккелгеш, Арга-саяан аа-чаза соп эккелгеш, Улуг одун салгаш, Үстүү чартыынга үжен-дөртен сыын-мыйгаан, Алдыы чартыынга алдан-чеден аргар-кошкарларын 1250 Сыра сыраның дургун дургунунче шиштеп алгаш, Аъдын салгаш, ооргалап чыдып ап-тыр эвеспе. Күжүр Бора-Шээлей Айда удуур уйгузун удааш, Тура халып келгеш, 1255 Үстүү чартыындыва көрүнгеш, Үжен-дөртен сыын-мыйгаан Ажыра-сыыра кагылап, Алдыы чартыындыва көрүнгеш, Алдан-чеден аргар-кошкарларын 1260 Ажыра-сыыра кагылап, Кадыг-кадыг сөөгүн каккыргылап, Чымчак сөөгүн симгиргилеп, Чий соп алгаш, Аъдын баглай соп каггаш, 1265 Чеден кижи тотпес Челгий кара пажынга Чиң шайын хайындыргаш, Айда-чылда аштавас-суксавас аъш-чемин Он беш хонукта чемненип алгаш, 1270 Аъттангаш, теве чоогунга келгеш, Таагылыг кула чаваалыг, Кидис хевенектиг багай оол бооп хувулгаш, Хөкпеңнеди шошкудуп, Элеңнеди чортуп чорааш, 1275 Теве кадарчызынга чедип кээрге, Сарыг аъттыг, сарыг салдыг Сарыг ашак уткуй шоппсуп келген.