Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Чиң шайын хайындыртып, Хоо, домбузунга кудуп, Чаглыг эъдин, чигир-боовазын салып, Хүндүлеп олургаш: 1195 "Ам адаан-мөөрей-даа чок-тур, оглум, Ак өгнү тип, Азыраан мал, ара эт, арты-хораам ортузундан үзүп, Уруум-даа бээр мен, оглум" — деп, Аянныг чугаазын чугаалап олуруп-тур эвеспе. 1200 Бора-Шээлей олургаш; "Чаа, ындыг-дыр, хаан катым. Мээң чоруум ам-даа элек. Мен чоруум кылып алгаш, Чоруй кээр мен. 1205 Алырымны аайлап бериңер, Белеткеп каар силер. Арай саадай бээр боор мен. Чанарымда далаш апаар боор мен, Саат чүве кылбас силер" — дээш, 1210 Аяң-Кулазын мунгаш, Чиге мурнуу чүгүн шиглээш, Узун чоруун улаштыр Чоруп каап-тыр эвеспе. Бора-Шээлей ол чоруткаш, 1215 Кыштың хыраазын хылырады, Чайның шалыңын шалырады, Бедииниң белиңге тепсеп, Чавызының бажынга бастырып, Хемни кеже халыдып, 1220 Арттарны ажа халыдып, Хой дег дапггы чуура бастырып, Кодан дег черни оя тепсип хап олургаш, Бир улуг таңдының кырынга Үне хап кээрге, 1225 Бир улуг сарыг хем, Карак четпес сарыг хову көстүп чыткан, Дүже халааш. Тос чүстүг кара дуранын ушта соп алгаш, "Бараан-сараан чүү көстүүр эвес" — дээш, 1230 Шинчип, көрүп олурарга, Даады-ла сарыг мал хөй болтан. Эң бетинде даң-на хоор сарыг теве чораан. "Мооң кадарчызы бар-ла болгай, Моон чүвениң бир аайын айтырып албас бе? — дээш,