Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

1060 Баарында пар, арзылаңы Барзайып-корзайып кээрде, "Мен тыртпадым, Боктуг-Кириш акым тыртты!" — дээш, Шып-шынап шыжыктыр тырттып эккелгеш, 1065 "Мен салбадым, Боктуг-Кириш акым салды, Чүскүк туткан холумга шүңнүкпе, Ине туткан холумга илдиртинме!" — дээш, Ышкына чоруй сала каар орта, 1070 Тевениң үттүг-чарнын өткеш, Дилгиниң үттүг-чарнын чире, Мөңгүн тевенениң үдүн чире, Чүс шары чүъгү ыяшты өрттендир, Демир көжээни үзе деггеш, 1075 Сарыг ховунуң ол чарты Бош дагның белиндиве огу кире берген, Кези көстүп сиригейнип турган. Карак чивеш аразында халыдып барып, Ушта соп ап турган 1080 Бора-Шээлей-дир эвеспе. Шыяан ам чүү боор! Күжүр Бора-Шээлей: "Чүү-даа болза, Бирээни аштым эвес бе" — деп Бодап, хап келгеш 1085 "Мээң адыым кандыг болду, эштер?" — деп Чоргаар айтырып туруп-тур эвеспе. Хейден: "Адыг-тудуг оон артык боор бе!" — деп турларда, Алдайның Алдын-Мегези тургаш 1090 "Адыг сээңии-даа болза, Каш мөөрей-биле көржүүр бис. Сен ышкаш чүвени Дээрдиве үндүр тевектеп-даа ыткай-ла, Чердиве киир тепсеп-даа ытпас бе!" — дээш, 1095 Удургузун улчуктур дайнап, Даг дижин дайырады дайнап туруп-тур. Бора-Шээлей тургаш "Меерейни сен билир чүве болза, Ам чүү кандыг адаан-меерей бар чүвел?" — деп, 1100 Хөлчүк болган ала караан Хөлүңнеди көргүлеп, Арын Хирээти болган ала караан, Аңдара-дүңдере көргүлеп, Ажынып-хорадап олуруп-тур эвеспе.