Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Алдын сарала эр ширээ кырыннан душкеш, Кашпал кара чазын чоруй аштап, Хан хожуула огун чоруй шалып, Болчайтылыг бора тейниң кырынче 975 Кылаштап уне бергеш Эртен тырттынган боду Кежээге чедир тырттынып, Кежээ тырттынган боду Эртенге чедир тырттынып кээрге, 980 Ок туткан холунуң Оду буругайнып, Ча туткан холундан Чалбырааш чайыгайнып келген. Чазының ужу-бажындан 985 Ыш буругайнып кээрде, Сала каар орта, Тевениң үттүг-чарнын откеш, Дилгиниң уттуг-чарнын чире, Меңгүн тевенениң удун чире, 990 Чүс шары чүъгү ыяшты Өрттендир деггеш, Демир көжээни бир карыш кирген, Огу кээп дүшкен. "Мөерей мээңии болду!” — деп кышкы салган. 995 Хөйден: "Демир көжээ одурулбаан!" — даа дээр кижи бар болган, "Болган!" — даа дээрлери бар, Мындыг болган-дыр эвеспе. Багай оол тургаш; 1000 "Болбаан, болбаан! Мен атпаан мен, мен атпаан мен!" — деп Алгырып-тур. Алдын-Моге тургаш: "Дем-не чоп атпаан сен? 1005 Ынаар углааш адывыт, кулугур!" — деп Хорадап туруп-тур. "Черле адып корейн, хааным?" — дээш, Чаннып туруп берген. Хаан-даа ыыттаалакта, 1010 Алдын-Моге тургаш: "Бо чүвээ белеткеп беригер, Адып чадаза, Бөрттүг бажын бөргү-биле, Чеңниг холун чеңи-биле кезер чүве" — деп-тир.