Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Бо хөй чон чоп мынчап чыглып турар чон боор? Кым деп хаанның Кода-сумези боор, кырган?" — 930 Деп айтырып-тыр эвеспе. Ашак тургаш "Бо Хун-Хаан деп кижиниң Кода-сумези-дир. Бо чон болза, 935 Хүн-Хаанның алдын даңгыназын Адаан-мөөрей алган эрес эр алыр деп, Мөөрей чарлаан чуве-дир. Ооң шүүлдезин көөр, Мөөрейге-даа киржир 940 Мындыг чуве ыйнаан, оглум", — деп-тир эвеспе. "Кандыг мөөрей чарлаан чувел? Кым деп эрес эр шуулдени алган чувел, ирем?" — деп, Оол айтырып-тыр. "Ам эртен тевениң үттүг-чарнын өттүр, 945 Дилгиниң уттуг-чарнын чире, Мөңгүн тевенениң үдүн чире, Чүс шары чуъгү ыяшты өрттендир, Демир көжээни тура аткан эр Шүглүп үнгеш, 950 Ай-Хаанның алдын даңгыназын алыр чүве-дир" — Деп-тир эвеспе. Эртенинде "Адыг эгелээр!" деп Ыыт үнген соонда, Карак четпес сарыг оорганың кырынче 955 Чон-даа көжүп-ле үнген. Оорганың кырында Ийи ак өгнү тиккен. Бирээзиниң эжиинде Сес буттуг ширээ кырында 960 Сес каът олбук салган. Ооң кырында ак салдыг Ак тоннуг Ай-каан деп кижи олурган. Бир ак өгнүң эжиинде База-ла сес каът олбук салган 965 Сес буттуг ширээ турган. Ооң кырында сарыг эр олурган. Улус-даа адып эгелээн, Чер ортузу чедирер-даа кижи бар, Чедирбес-даа кижи бар болган. 970 "Алдын-Моге адар-дыр!" — дээн соонда,