Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Ол анчап хайдынып-шүгдүнүп олурда, Бир эртен имир-амыр чорда, 615 Эр ала эзир ужуп келгеш: "Хүн-Хаанның, Ай-Хаанның, Дээр-Хаанның Үш даңгыналарын чалап эккээр болза, Дирлип-даа болур, Өглүг-баштыг, ак малдыг, 620 Аал-чурттуг-даа болур чүве-дир ийин. Мен аңаа бир дузаны көргүзер-дир мен ийин" — деп Үш эргилдир ужуп эрткен. Ам эртен бир ала эзир база-ла Шак-ла ынчаар чугаалааш, 625 Ужуп эрткен. "Бо үш чүүл сүмениң аайынга кирип, Ооң уун углап, Шиин шиглеп чорааш, Улчуп-тояап чорааш, 630 Өлүр болзумза, өлүр-ле мен ыйнаан, Өлбейн чалап эккээр болзумза, Харын акымны диргизип ап, Харын-даа аал-чурттуг-даа Болуру чадавас-ла чүве-дир" — деп бодааш, 635 Аяң-Кулазын так кылдыр баглап, Дага кылдыр соодуп кааш, Бир айда мнаар баар арга-хоргазын Боданып олуруп берип-тир эвеспе аан. Айның чаазында, хүннүң экизинде 640 Аъттанып чоруур деп, Аштанып-чемненип алгаш, Акызының кирбей салындан сал чарып, Дүгүнден дүгүн чарып, Караандан карак чарып, 645 Кежегезинден кежеге чарып, Хей илби-биле каданып-төөренгеш, Эдик-хевин кедип, Ок-чемзээн азынгаш, Тойлу шил көрүнчүкке 650 Көрдүнүп, шинчиттинип олурарга, Хазы-биле дөмейи канчаар-даа арга чок Бооп-тур эвеспе. Боктуг-Кириш акызын Эңгиргейниң чалым хаязынга аппаргаш: 655 "Чалым хаям, чарлы берем, Чаңгыс акым суп каайн, Өндүр хаям, чарлы берем,