Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

570 Бора-Шээлей аътты коре каапкаш, Чаглыг чурээ чарлы бер чазып, Эьт-сөөгү сиригейнип: "Эки ээңден канчап, чооп чарылдың? Эки ээң канчап, чооп баарды?" — деп 575 Айтырып-тыр эвеспе. Аяң-Кула тургаш, Ол бүгүнү чугаалаарга, Бора-Шээлей сиригайнып-кавыгайнып тургаш, Аъдын эзертээш: 580 "Акымның эки аъдын мунар ужур таварышкан, Эки эзеңгизин тевер, Эки эзеринге олурар ужур таварышкан-дыр" — дээш, Аъттангаш, хап кээрге, Когей дег эр хертее берген чыдып-тыр эвеспе. 585 Бора-Шээлей дүже халааш, Ойтур, доңгайтыр тыртып, Алгырып-кыххпсырып, ыглап-сыктап, Туруп берип-тир. Чеже ынчап турар боор, 590 Аъдын: "Чыт, чыт!” — дээрге, чыда дүшкен, Акызын: "Үңгертин, үңгертин!" — дээрге, үңгертинип турган. Үңгерип алгаш, эккелгеш, Чайын чыдывас, кыжын доңмас Эм-шагаан, дом-шагаан оъду-биле чаап-чаап, 595 Сериин черге каап алгаш, Чежеге, кажага чедир Ыглап-сыктап келген чүве! Чеже анчап олурар? Эргилдир-долгандыр боданып олургаш, 600 Акызының бир айда ашса ажар, Ашпаза ашпас, Тос допчулуг хопчу каразын Ажып көрүп олурарга, Эңгиргей, Кыңгыргайның алдын, мөңгүн эртинезин чээн болгаш 605 Чайын чыдывас, кыжын доңуп-даа болбас Эр болган-дыр. "Диргизип алыр дээр болза, Чиге мурнуу чүкте Хүн-Хаан, Ай-Хаан, Дээр-Хаан үш хаанның 610 Үш даңгыназында үш өң челбииш аржыылдар бар, Оларны эккээр болза, Диргизип ап болур" — деп турар мындыг болган.