Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

525 Сезинмес боду сестип, Серт дивес чурээ серт кыннып, Арны, бажы адыңайнып туруп-тур. "Чүү мында келгеш, Чүү дааш үндүрүп турар чоор?" — дээш, 530 Өртей баглап кагган аъдын Чулары-биле аргамчызын сөөртү Чавыдактай каапкаш, Дааш чоогу дөлем тейге Үне халыдып кээрге, 535 Ийи өле кошкар үскүлежип турган. "Бо кулугурлар арта Кижи коргудуп турар чүве-дир але" — дээш, Ажынып, хорадап, Кодан дег борбак дашты хоора соп алгаш, 540 Кагар орта, Дедирленчип, чааланчып чораан Кошкарларның аразын орта Хайтыктыр кактынгаш, барып дүжер орта, Кошкарның бирээзи коргуп, дезип ыңай боорга, 545 Бирээзи сүрүп чоруп каап-тыр. Эр-даа хорадаан хевээр Ийи кодан дег дашты хоора соп алгаш: "Аяң-Кула силерни четпес болза, Довук-дорзуу кестиргей аан, 550 Боктуг-Кириш силерни сокпас болза, Амы-тынын оскунгай аан!" — дээш, Аргамчызын сөөртпүшаан, Чүларлыг аъды-биле ажынган хевээр Сүрүп чоруп-ла каап-тыр эвеспе. 555 Аяң-Кула чедер, четпес, Боктуг-Кириш кагар, какпас чорда, Аргамчының доңнуг ужу Адыр даштың аразынга кыстына бээр орта, Аргамчы дмңзыш дээр орта, 560 Аъттың бажы эглиш дээр орта, Боктуг-Киришти чавак аразындан Чара шелиптер орта, Аъттың ажыргы чартыындыва чайылгаш, Молдуруу оорлуп өлүп каап-тыр эвеспе аан. 565 Аяң-Куланың бажы ээлгеш, Ойта дүжүп чорда, Аргамчы үзүлгеш, ушпайн барган. Аяң-Кула ээзиниң өлгенин билгеш, Бора-Шээлейниң бажыңынга маңнап кээп-тир.