Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

480 Ол дүне удуп хонгаш, Даң бажында дыңнап чыдарларга, Куштарның ыыдын кайызы-даа дыңнап каар бооп-тур эвеспе аан. Боктуг-Кириш, Бора-Шээлей алышкылар Тос допчулуг алдын согулунуң ипггинде 485 Хопчу кара судурунуң ипгги-биле таныжып, Чүвениң ужурун чайгаар-ла Биле бээр болу берип-тирлер эвеспе. Олар ол ынчап чурттап турда, Бора-Шээлей аң-меңниң кежи-биле 490 Эдик-хеп* даарап, Черле чүнү-даа кылыр Уран-шевер болу берген. Боктуг-Кириш-даа черниң аңын черге кырар, Сугнуң аңын сугга кырар, 495 Эрес эр бооп өзүп келгеш, Боду бир бажың, Дыңмазынга бир бажың тудуп берген. Бир айда аңын аңнаар, Бир айда уйгузун удуур, 500 Мындыг чүве-дир. Бир айда уйгузун удааш, Улуг аңмн аңнаар дээш белеткенип олурда, Бора-Шээлей кылаштап келгеш "Сен ам үш хонукта 505 Черле чүвээ барба, акым, Мен кончуг багай дүш дүжедим" — деп Ыглаңайнып олуруп-тур. "Чаңгыс дыңмам, сен, чүве чугаалаарыңга, Дыңнаар-ла мен ыйнаан" — дээш, 510 Ийи хүн чүнзээш, Аңын аңнап чоруксааш, Сыыңайндыр сыгырып сырланып, ырлагылап, Улуг бодал бодангылап олургаш, Бажыңының кедээзинде 515 Мооруй кырлаң кырынга, Базып үне бергеш, Өөрү-куду көргүлеп, Эзеп каап кылаштап турарга, Сарыг туруг мурнунда ажыт черде 520 Арга, даг чаңгыланган, Дааш эвес дааш Дыңналып турган-дыр эвеспе. Кортпас боду коргуп, Коваш дивес чүрээ коваш деп,