Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

435 Дыңмазынга чугаалап-тур. Дыңмазы олургапг "Харын сээң ооң шын-дыр, акым. Мен база-ла бодап олурар кижи мен. Оран-таңдывыс дагыыр, 440 Сээң бодуңга, аъдыңга эки ат, Меңээ база ат херек деп Бодап олурар кижи мен ийин, акым", — Деп-тир эвеспе аан. Акызы олургаш: 445 "Чаа, дыңмам, мээң, сээң болгаш аъдывыска Эки аттан сен-не адап кор!" — дээрге, Дыңмазы: "Чаа, канчаар, адап-ла-тыр мен ийин, акым", — дээш, Боданып олургаш; 450 Ада-иезиниң эргеледип адап чораан адын Солууру берге хирелиг боорга: "Акызының адын Боктуг-Кириш дээш, Аъдының адын Аяң-Кула дээш, Бодунуң адын Бора-Шээлей деп адаза 455 Кандыгыл, акым?" — дээрге, Акызы: "Шын, эки ат-тыр, дыңмам", — деп Хөөреп олурган эр-дир эвеспе. Боктуг-Кириш дээрзи 460 Чайның ортаа айда Адазының ыдык бора тейиниң кырынга Халдып үне бергеш, Дагылгазын дагып турда, Эңгиргейниң ээзи эр ала эзир эргилип эрткеш, 465 Бир калбак даштың кырынга Алдын сарыг чүве кузуп каггаш, Бажын согаш-согаш кылгаш, Эргилип эрткен. Кыңгыргайның ээзи кыс ала эзир ужуп келгеш, 470 База бир даш кырынга Ак мөңгүн ышкаш чүве кускаш, Бажын согаш-согаш кылгаш, эргилип эрткен. Боктуг-Кириш боданып тургаш: "Бо-даа оран-тандының ээлери боор бо, 475 Анаа чүве кайын ынчап турар" — деп бодааш, Бир-бир кезиин чипкеш, Бир-бир кезиин дыңмазынга эккелгеш, Ол бүгүнү чугаалааш, Чидиртип ап-тыр.