Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

390 Чарт ыяш чадырынга хап кээрге, Дыңмазы ийи караан ыжыды ыглап алган, Муңгараан-деңгерээн, Будулган бук дег душкен олуруп-тур эвеспе. Эр-даа келген. 395 Алышкылар хөөрежип, хөглеп, Акызы аъдының девиин, эрезин хөөреп: "Ам эки аъттыг болган бис, Ам энниир-торлур чувевис чок, дыңмам, Мен ол херекселим эккээйн, 400 Иевистиң суккан чувезин база Барып тып алыр бис" — дээш, хап чоруткаш, Херекселин эккеп кааш, Чоруп каап-тырлар. Алышкылар ол чоруткаш, 405 Кыңгыргайның хунгээр талазын Дозээлеп-дилеп чорааш, Кызыл чалым баарының удун, Куюн бакылап дилеп чорааш, Ханы кара куюн тыпкаш, 410 Кире бээрге, шынап-ла, Алдын хээлиг хааржак бо-ла чыткан. Үжеп көөрге, Авазының эдилеп чораан эди болгаш Кедип чораан хеви 415 Бурун бар бооп-тур. Хөөрежип, хөглеп, чадырынга эккелгеш, Дыңмазынга хамык хевин кедиргеш, Илчирбе, дергизин азындыргаш, Акызы көөрге, ыңай көөрге — ай херелдиг, 420 Бээр көөрге — хун херелдиг, Алдыы эрнинде аъш-чем сиңген, Үстүү эрнинде үс-чам сиңген, Үзескүүлең* чараш Алдын даңгына көстүп олурар бооп-тур эвеспе. 425 Боктуг-даа ок-чемзээн алгаш, Аңнап-меңнеп, Эьдин эът оваа, Чаан чаг оваа кылдыр оваалап туруп берген, Ол ынчап чурттап турган. 430 Эки адазының Тайга-таңдызының дагылгазын сактып, Тос допчулуг алдын согул иштинде Хопчу каразының ишти-биле таныжып, Өөренир аргазын боданып келгеш,