Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

345 "Киженин адыр, дыңмам" — дээрге, Бир холу-биле тудуп тургаш, Адыра кааптар орта, Эңгиргейниң алдыы куржаандыва Шала көстү берип-тир эвеспе. 350 Бора ол ашкан уунче Салып уне бергеш, Харап көөрге, чүү-даа көзүлбес болган. Дедир келгеш, ол херекселин Ол куйга дедир шыгжап кааш, 355 Чадырынга салып кээрге, Келбээн бооп-тур эвеспе. Аът-даа ол мөггеш, Бир айның үжен хонукта Мөөп дывылап келгеш, 360 Хову черни оя-чаза тепкилеп кээрге, Суг үнүп, Хорум-дажын хоора-чаза тепкилеп, Туруг-хаяны тура чаза тепкилеп, Мөөп, дывылаарга, 365 Бузулган хая дажы Шел черге хөө-хорум бооп, Дээрниң сылдызын черге тоглады, Черниң довураан дээрге доозунналдыр Мөөп, дывылап келгеш, 370 Тура дүжүп-түр эвеспе. Эр-даа дүже халааш "Чоп-даа кончуг могавас, Доктаавас кулугур боор! Ам-на турупту бе моң?” — деп-тир. 375 Аът тургаш: "Мен могаар, турар чүве кайда боор. Сеңээ мен-даа эки аът бооп шыдаар-дыр мен, Меңээ сен-даа эки ээ бооп шыдаар-дыр сен!" — Деп-тир эвеспе. 380 Эр тургаш "Ындыг-дыр хармн, Меңээ сен-даа эргелиг эки аът бооп Шыдаар-дыр сен, Сеңээ мен-даа эки ээ бооп 385 Шыдаар-дыр мен" — деп Хөөреп туруп-тур эвеспе. Эр-даа сагыш-хорээ ажып, Аъдын эде чазап, Эзертенгеш, хап чоруткаш,