Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

"Адыгжы-тудугжу Улус алыр мен" — 5030 Деп турган иргин Даартазында база-ла Адаанныг оюн кыла берген Туруп-турлар эвеспе аан. Шулбу хаанының талазы 5035 Тиилей адып турар. Сарыг кидис хевенектиг Багай оолдуң Адып-турары-даа кежээлээн, Аңаа деңнежир 5040 Чуме чок болган турган иргин ийин. "Бодунуң кызытпазы-биле безин Бо хире адып турар кижи Өске улустуң Огу-чемзээ-биле адар болза, 5045 Оон артык болур" — дээш, Шулбуларның огун-чемзээн Эккеп бээрде, Тыртыптарга-ла, Углуп-ла турар болган. 5050 Шулбунуң огун-чемзээн Доозазын уу-чаза-соп кагган-на Туруп-тур эвеспе аан. Оон-даа": Далай-Байбың хаанның Огун-чемзээн 5055 Эккеп бериңер!" — деп Турган иргин ийин. Далай-Байбың хаанның Огун-чемзээн Тергелиг аът-биле 5060 Тергелеп эккеп турган иргин ийин. "Бо болза Чаа-дайынга Чарлык-биле бүдурген Ок-чемзек-тир 5065 Шыяан! Мооң-биле-даа кижи Оюн-адаан адар болза, Хаан ара-албатыга Кем-хора болур — деп 5070 Турган иргин ийин. Че, хаан чарлыы-биле Адып-ла-дыр мен ийин.