Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Адаар дээштиң, Найыр-доюн кылып турган иргин ийин. 1250 Ара-албаты-даа Найырлап-курумнап алгаштың-даа: "Багай ат адапкаш, Бажын алзыпкаш, канчаар" — деп дээштиң, Тарап чоруй-даа барган турганнар эвеспе аан. 1255 "Далай дегни ижип алган бис, Таңды дегни чип алган бис. Кайда-даа хой назылыг, Кодаң чыдынныг улус Кижи төрелгетенден төрүттүнерде, 1260 Мөңгерээр дээш Төрүттүнер эвес, Өлүр-даа, төрүүр-даа ужурлуг болгай, Өлзүвүссе-даа хомудал чок Улус-ла болгай бис" — дээштиң, 1265 Хүнүн манап, Хүүрээн даянган Ийи ирей, кадай Элеңейндир кылыштажы бергепггиң, Хаанның дүжүлгезинге баргаштыц: 1270 "Бис-даа адын адап чогаадыр Дээштиң келдивис" — дээш, Ийи ирей, кадай Чугааның кырынга чугаалаан-даа турган иргин ийин. "Белектиг, аастыг ашак бо-дур" — дээштиң, 1275 Алдын кара ширээзинден Хаан тура халып келгештиң, Үш кулаш Сарыг кадаан Ашакка тудуп-даа, 1280 Холун тудуп, Мактай-даа берген туруп-тур эвеспе оң. "Белектиг, аастыг кадам* боор сен" — дээштиң, Сай-Тоюң кадын-даа Тура халып келгештиң, 1285 База-ла холун тудуп, Мактап-даа турган иргин ийин. Холун тудуп мактаанының сөөлүнде, Чиң шайын хайындыргаштың, Алдын-була тавакта, 1290 Алдын-хоо домбуда, Ирей, кадайны Шайлады-даа берген олуруп-тур эвеспе аан.