Тувинские народные сказки. - 1994. [Т. 8.]

Дүгүнүң довураан буруладыр, балдырының эъдин сырыладыр 2290 хап олурарга, Хан-Шилги чат былгызын былгырып, чат сидиин сидиктеп чоруп-тур. Дээрниң булуду көжүп, 2295 хат-халап өөскүп-даа, улуг шуурганның аразы-биле халдып орарга, шивишкин кадайларның саазын аъттары хараган бажында калбаңнады хадаан, кадайлар боттары 2300 хараган дөзүнде тырылган, "мени ушкар, мени ушкар, оглум", дижип-тирлер эвеспе. — Оо-хоран кижиге ижиртип турар, кулугурлар, — дээш, ол черинге елүрүп каапкаш, чоруп оруп-тур. 2305 Осамбуулаң өртемчейни үш долгандыр халып чорда, эъди-чүрээ изип, амылыг амытан кырынга-даа ызырныр аргажок, 2310 Шүдер-Мөге баш ажып дүжер дээрге, чели-биле челелеп, соондан сывырлып каар дээрге, кудуруу-биле челелээр, 2315 ийинден чайлы бээр дээрге, ийи ээгизи-биле дөмеп чоруп оруп-тур. Хан-Шилгиниң тынган тыныжы изиңейнип, былгырган былгызы 2320 чаъс-туман бооп, даванының даажы, кудай диңмирээн дег бооп кээрге, хаанның ара-албатызы, — мээң аъдым кел чор — деп 2325 мурнун былаажып туруп-турлар. Хайындырыцмай Багай-оол тура: — Хан-Шилгиниң дааш-шимээни-даа ышкаш, кандаай чоор,