Тувинские народные сказки. - 1994. [Т. 8.]

дөрт эдээн дөңгейти, 2090 ийи эдээн авый-шавый астып алгаш кирип кээп, демир илчирбеде баглап каан, 2095 аас чедер черден оя-чаза соп, даван-холу чедер черден үзе-чаза теп-хап турган барстарның кулаандан сегирип алгаш, 2100 чалындыр донап, чавыдактап ап, бирээзиниң чырыындан демир дегээ-биле өттүр дегээлээш, чедип ап-даа туруп-тур. 2105 Күжүр Шүдер-Мөге карак чивеш аразында караш кынны берип, осамбуулаң өртемчейни үш долгандыр хаккаш, ээп чедип кээп-даа туруп-тур. 2110 Чеде халдып келгеш, ийи барсты хериминиң иштиндиве күстүктү-доңгайты иткилепкеш, хаанның өргээзинге кирип кээп-тир. 2115 Хаан ора: — Кандыг-кандыг ораннарга чордуң, чүнү көрдүң, чүнү билдиң? — деп, айтырып олуруп-тур. Шүдер-Мөге олура: 2120 — Осамбуулаң өртемчей боп-борбак боор чүве-дир, бир дипке кээримге, дөп-дөрбелчин арынныг кижилер бар чүве-дир, бир дипке кээримге, 2125 шөйбек арынныг сыый бажындан куржаныр улустар бар боор чүве-дир, бир дипке кээримге, чартык арынныг кижилерлиг, чартык дип турар чүве-дир — деп-тир.