Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Кызарып агар каны ла jок, Кыйылыи öлöр тыны ла jок. Катан jурты кату болор, балам — деди, — Капчыкай jурты бийик болор, уулым — деди. — 2240 Каан эткени кату болор — дебей кайтты, Бий эткени бийик болор — деген jÿрди...» (Маадай-Кара, стк. 2228—2241) Алт. П.А.10в.7 «Jолы кату каан — деди, — Jолыгарыҥ куч болор — дийт. — 3980 Jери бийик каан — деди, — Ченежерге куч болор — дийт. — Канча албаты канын ичкен, Камык jонныҥ терин ичкен. Кижи бажын айак эткен, 3985 Кижи сööгин тайак эткен, Кату кара санаалу Каан кижи ол дор — деди. — Кызыл тыныҥ кыйар ол — дийт, — Кылду бажыҥ ÿзер ол — дийт, — 3990 Ойто кайра бар, балам» — дийт. (Маадай-Кара, стк. 3978—3990) Алт. И.А.Юв.8 Jети тÿҥей баатырлардыҥ Ай jалтагы чырайлары Алтын чылап jалтырашкан, Кÿн jалтагы чырайлары 6105 Кÿмÿш кептÿ мызылдашкан. Килиҥ кара кабактулар, Кирбее кара сагалдулар, Коо кырлаҥ тумчуктулар, Кош аркыдай кирбиктÿлер, 6110 Кöргöн кöзи кöк чолмондый, Айткан тили от алмыстый, Алып-кÿлÿк баатырлар Бу Алтайда кöрÿндилер. Аттары дезе аттаҥ jараш, 6115 Jурамалдый быйан болтыр, Бойлоры дезе эрдеҥ jараш, Солоҥыдый бÿдÿштÿ болтыр. (Маадай-Кара, стк. 6101—6117) ...Кыйылып öлöр тыны jок, Кызарып агар каны jок Кан-Капшукай паатырды...