Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— Ноону кӧзен, ноону иштен, ноону пӱдӱрең қааныбыс- пийибис? — тештилер. Панкечеқ мындыг эрбеқ айдыш турапарды: — Эртенге чайзан ӧрге пистиң черде келип турапарзын. Мениң алған кижим, арғыжым меең қойдумда полуппарзын. Алындырған, чӧйлаған чабал кижи қыбы чылаш чадыққалзын, тленчик пала суранып чӧрзӱн, чер алтында де эбес, чер ӱстӱнде да збес, ӧлӱгда эбес, тириг да эбес чӧреперзин! — тедир. — Эртен-иирдең кӱлӱп полчан, чат узулар. Эртен турзаң, ноо ла сананғаның тооза пӱдӱрпарар», — тептилер ийги оғлан териг кижи. Иирди табақты чиибалдылар, чадып узубустулар. Улуг тӱндӱ тоозе, улуг уйғуларын узуптурдулар. 46 Эртен туруп, усқанып қарақтарын ажып, кӧргеннерин: чай­ зан ӧрге плардың черге келип, тура пертир чажып. Чаш алған кижизи қойдунға келип, кирпардылар. Алтын пузурақта полтур- лар, қас частық частансалтырлар, кӧбӱг тӧжеке чатчатырлар. Апшақ-ӧрекен ээдоқ алтын пӱзӱрӱкте, кӧбӱг тӧжеқте қас час- тықта узупчаттырлар. Усталде толдура аш-табақ ӱгӱлпартыр, пашқа-пашқа сорт арағалар турғузуп. Эбире ӧргени чайзан сат ӧзӱппартыр. Анда пашқа-пашқа қушчақтар кӧглешчар, аара-пеере аңнар чӱгӱ- рӱшчӧрчар, парчын позунуң ӱнӱбе табыш-шалыш турчалар. Пис- тиң малчақтар ыларға қаттыжып пирге чӧрӱп ойнапчалар. Тиги чаны чанда кӧк талай чайалтыр, толқупкелип, чӱгӱрӱшчалар. Пашқа-пашқа палықтар аара-пеере чыылыш тур­ чалар. Устал арғазынға одурдулар, аш-табақтын арығын, арағазы- ның қазырын ижип-чиип турдулар, чӧрдӱлер. Арынған сағышта- рын тарадып турдулар. 47 Панкечеқ ӧргедең шыға пасты, ағаш айағын черге шелди, ийги шериг алдына тура тӱштӱлар. — Пистиң қааныбыс, пистин пийбис, паза ноону иштеп, пӱдӱрерге перерзиң? — тештилер. — О, мениң тың пӱдӱрӱштӱг чақшы шериглерим, маға ме- ниң чажымға улуг пай, улуг мал чайап салапердаар. Мынаң артық маға паза пирда небе кереқ чоғул, ам по чер ӱстӱбе слер чӧрӱп кӧрар. Кем чоқ чатқан кижеге полуш чӧрар, чабал чер ӱстӱнде чоқ ээдип чӧрар. — Парчазын иштерибис, парчазын пӱдӱрерибис пистиң чақшы қааныбыс. Таңдағы кӱнде чер ӱстӱнде чабал чоқ полуп-