Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— Амды, палам, кӧшкечекти кӧгдӱрӱбалып парарзың. Ол саға аңнарға полужар, астырбаан ӱйге алып келзин. Албасқа да саназе, тоғра поларға чарабанче, кӧгдӱрӱбалып чӧре қалды. Ээдоқ он полуп тӧгӱлӱп турча: аңның чақшызын тала ӧдӱрче, себизин талап атча. Қанче керегин аңны қырыбал- ды, чӱқтенибалып, қарчы пурулуп, нанып шықты. Нанчадып олоқ қузуққа чеде тӱштӱ. Тапқан-тутқанын черге салды, чарба- ныпкелип, шығыбызып перди, ааң сооныбе кӧшкечеқ қожа чар- банып пағаберди. Қузуқ пажында шықканда, кӧшкечеқ анаң мӧзӱк чарбаныбысты. Қайдаға Панкечеқ кӧрче, аанары кӧшкечеқ кӧр турча. 34 Мынаң аара раақ черде, қайда тегрибе чер қатышчатқан черде, чайзан пӱдӱрген ӧрге чажаркелип, турчаттыр: кӱнче сус- тапчатыр, айче палтыңнап турчаттыр. Аны кӧрген Панкечеқ, қарақ чажын тӧгеберди, алдындағыдаң артық сыықтаберди: «По ноо кереги полча, нооға қарақ албан кӧрча ол ӧргеге тебе?» Ачығынаң улғапча, тосқанче улғабалып қузуқтан тӱжӱбалып, аара парып шықты. Қызыл иир кирген шенде ӱйлеринге четти- лер. Апшый-қуртуй пазоқ ӱдӱре чӱгӱрӱп шықтылар, ӱрӱгӱнӱжӱп тосқунапчалар. Пазоқ абазы шичип қалған қарағын сектипча, кӧшкечеқтен сурады. Кӧшкечеқ айдып турапарды: — Ырақ черде кӧрӱнча, чербе тегри қатышқан черде улуг чалбақ сугдун ол чанында чайзан ӧрге чажарып турча. Кӱн чи- леп сустапча, ай шенинче палтыңнапча. Аны ла кӧрӱп, табы- балған қарақ чажын тӧгеперди, ачығынаң сықтапперди, — кӧшке тилибе маақтады, кижи тилибе эрбеқтеди. Аны уғуп, уғуп апшый кижи айтты: — Вот қайдығ кереқ полтур! Ол ӧрге аға нооға кереқ по- луппарған? Аны мен уңнабалайын! 35 Ас па, кӧп пе чатқан темде Панкечеқтың сурабысты: — Қайдығ андиғ саға ӧрге кӧргензин қузуқ пажыңнаң? Нооға аны кӧрӱп улғап, сықтапчаң, қарақ чажынды урчаң? Панкечеқ ӱр перишкел турду, кирер черин тар ээде перип, қалдылар. Анда апшыйларға чооқтап шықты. Ужуңнаң ала, па- жынға шығара қайде полчаның, ноо полғаның чооқтапперди. — О, палам, палам, чооқ ээде алығ сағыш тутқанзың, пис- тең нооға чажырғанзың? Эртедең айтқан ползан тавно ағаш айағын сенин қолунде полар эди. Менин ақ малым тиригде —