Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қара тубанны арлапкел, анаң ай соқур ат, анаң шықканы, позуңнун қызынға — эм кӱлӱгӱнге, ӱшкӱркелип анда тын алын- ды. Анаң ээде келиптер. А постарының жениктери андоқ. Ма- лосильныйлер алыптар полпартыр. Ына қайде полужбалзыннар? Алыпты чарта полбанчалар, чара полужарғы дағы. Анаң ээде пайлап-чуртап чатқалдылар. 2. АҢЧЫ ПАНӰГЕШ 1 Амдығының алында, пурунғунун соонда, улуг чыштың тӱбӱн- де ӧкӱс аңчы Панӱгеш чуртаптыр. Азырыған абазын пилбенча, тӱғӱп эмискен энезин* пилбенчаттыр. Абазынаң пирле мылтығаш қалған полтур. Ташталып, теп- селип чуртаптыр. Пирда кижи аны пилбенчаттыр, ол да кижи- ни таныбанчаттыр. Кӱнӱн сайа аңнап-қуштап чышта чӧрча. Кийиктиң себизин талап, адып чӧрча. Қуштуң қаразын талап, атча. Тапқан-тутқан тӱк малын садығчыларға теген чилеп, персалча. Қаченда киче- нип, аңнап-кӱштап турза, чоқ полуп, турча, пайларды ларды пайладып, турча. 2 Пир шенде аңнапчӧрӱп, кӧп небе аңнабалтыр. Турпаркелип, наныпкелтир. Кӧп чоқ чииш чиибалып, узурға чадып, ӧлген кижи чилеп, узубусту. Эртен-эрте усқанкелип, чӱзӱ-қолун чӱнӱбалды, аңнап-қуштап парарға чепсенеберди. Сумнечегин азынды, мылтығажын алынды, эжиқке пазыпкелди. Эжиқти ажайын тезе ажыбалчаң эбес полтур: «По эжигимни кем пеқтеп- салған?» Тыңна ийдип, ажаберди. Ажакелгени, анчеди эжик қыстала ажылыппарды. 3 Анаң кӧргени: эжиқке қына тӧрт азақтығ, алты қулаш сын- нығ ақ чылан, алты орала чадыпсалтыр. Аны кӧрген Панӱгеш тың қоруқты. Суғдағы тал чилеп, қалтыражаберди. Шақ по тем-