Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң сӧртеп ноолғаннары, сӧртеп полбансалдылар. Богатырь полған-но Қанза Пей! Адын шежбалып, адының қузуруғунға пағлапкелип, сӧртеп алендилер. Сӧртеп ален, анаң оолағаш те- зибизеперип, кедертин кӧрбодурча ам. 10 Анаң кӧргени: қарағайдың сал иштепсалтырлар, ол салға ки- ре тартыбыстылар Қанза Пейди. Ол салға кире тартыркелип, ноо азақ-қолун нооба тебир цептерби пағлабыстылар, анаң артын салға кирибал, ығыбыстылар. Оолағаш тезе, Қанза Пейдиң адын тудубалып, ол тезибисти. — Ам, по ичемме ноо чадай? — тедир. — Абамны қа- зақтарға садыбысты! — тепкелип, оолағаш тезибисти. А мен эзе, Қанза Пегде аленчитқаннарда, ыларба эн- чам-но. Эне, пайағы ол Қазас қайазынға четтилер. Қазас қайазынға чедип, эрткеннерде, по сыытпа энча ам, сықтыбал, эзе, айыл- парды — сықтыбал энча. И Анаң кӧргени: ол қыс палазы пооқ* шықты: — Оно, қайде Қанза Пег? — тедир. — Мен саға айтқам, — тедир, — меең қыйзыма сени аленерлер, теп, — ам сыытпа энчаң, — тедир. — Эзе, қыс палазы полчанзың — арығ тыным ал! — те­ дир. — Ийгеле алыжаң, — тедир. — Чоқ, Қанза Пег, — тедир. — Мен саға эрте пайоқ позум айтқам, — тедир. — Ам сен маға кереқ чоқсың, — тедир. — Ам н о н ы , ӧлчең черинге сени аленчалар, — тедир. Нандыра пурулбал, кирибисти. Қанза Пегди ол салба алени-алени келгеннерде — Том ту- раға алендилер. Том туразынға аленип, ноо, эзе, салларын тоқта- ды пағлабыстылар. Весь Том тураның қалық чӱгӱр эндилер, эзе, айттылар: — Қанза Пегди алендилер! — теп. 12 Қалық чыылышпарып, анда турчалар. Қанза Пег: — Шынап та, — тедир, — по салба мени ноо, алендилер теп, азақтарын қайде мен пееде пош перчам! — тепкелип, азақтарын анаң тебинизепергени, тебир цептерин тала тепқле- бисти. Тала тепкелип, ол салба пирге туркелди-но ол. Пирге тур- келип нооға, чарга ноодаң, эзе, сугдың шығып, берегка шықты.