Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

2 Қанза Пег анаң артын ааң қара cap ат полған полтур. Ка­ ра cap адыба пастыр шығаберди. Шыға-шыға, ол Прастын па- жынға кел шықты. Прае пажынға шығып, анаң кӧргени: қарағай- лер* ӧспарған чер полтур. Ол қарағайлер ӧспарған черге адынаң тӱшкелип, адын пожадысты оттарға, позу қарағайа қажынға чатсалды, тынанбаларға. Анаң чатчытқаны, анаң кӧрбодурғаны: пир қыс палазы кел­ ди ол қарағайлер аразынға, пону кӧрбенча. Анаң кӧргени: қуруғ қарағайды қабалып, сыы тартыбысты ол қыс палазы. Сыы тар- тыбалып, эңенимал аппарыбысты. По маттап кӧрча. «По қыс палазы миндиг қарағайды сыы тартыбалды, а эр кижилери қай- дығ кижилер!?» — теп сананча по. По туркелип, ол қыс пала- зынаң сооба парча. 3 Анаң кӧргени: қарағайдың ужу-пажыба иштеттирген эм тур­ ча. Амбарлар андигоқ турча. Анаң паскел, анаң кӧргени: қыс палазы ол қарағайды сыы, сыы тепкелип, эмге ақкирибисти. Эмге ақкирип, эзе, тӱдӱни шықча, от салыбысқан полар-на. И ноода, шарчында ақ қыр ат пағлалпартыр. По сананча: «Кир, кӧрейин». Паскелип, эмге кирибисти-но. Анаң киргени: пир ийги сағбайынға қыр шаппарған эр кижи тонанча. Ол қыс палазы от салып, чииш пыжырча. По кирип, эзенешча. Эзенешкени, ол кижи: — Эзен, эзен, — тедир, — тадар кижи полтурзың. — Уқтын ма, — тепча, сурапча ол ийги сағмаинға қыр шаппарған эр кижи, — пистиң Қааныбысты-Пегибисти? Может уқтун, — теп­ ча, — Қанза Пег қайдиг чердигизин? 4 По маттап кӧр, сурапча: — А Қанза Пегди қайдың оңнапчаң? — тедир. — Қайде оңнабасқа, — тедир, — ол пистиң қааныбыс, та­ дар кижиниң қааныбыс. Ол аны тилерге парар этчам, — те­ дир. — Қайдығ черде, табалзам, пистин черге ақкелер ээдим, — тедир. — Қазақ қаанынға, қазақ шеринге қынаттыр, оно мен пеероқ шықкам, — тедир, — минде чатчам, — тедир. — Андиг полғанда, тилеп парба, — тедир, — Қанза Пег, мен поларым! По маттап кӧрча, анан кӧрди-кӧрди: — Шынап сензиң ма? — тедир, — Қанза Пегзин, сен- зиң? — тедир. — Кел, одур, — тедир, — пеере.