Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң қам шықкелип, тӧрӱнге толдура қымысқаш чығбалып, анаң ол суғ ээзиниң чӱзӱнге урапертир. Қымысқаш ызырчатсар ба! Анаң усқанкелип, пееде ле кӧрӱнмал, сийбан, ноолбал, туру ла кел, суға аттыбыстыр. Суға атыбысқанда ла, суғ паршықтыр. Анаң: «Чақша парыбысқан!» — тедир. 29. [ШАЙЫҚ] 1 Пир эр кижи қатынма ийгеле пала чоқ чаттырлар. Эртен тура ла, қатынға пирда небе айтпан, ээде ле малта алыбал, парыбысчаттыр. Анаң иирде маттап кӱжӱ шықпар, келчитқан полтур. Кӱн-сайа ээде иштеп, чӧрчаттыр. Қаты ааң сурағанда, пирда небе айтпанчаттыр. — Қачен иштебиссем, анаң айдарым! — теп. 2 Анаң пир кӱн эри ишке парыбысқанда, ол қатқа пир кижи келтир. Анаң қатын сураптыр: — Сеең эриң қайа чӧрча, ноо иштепча? — теп. Қат айттыр: — Эзе, сурапчам-но, пирда небе айтпанча. Азы тезе айттыр: — Че, сен чақшыба суразаң! Ааң соонда қаты қадақ сураптыр, азы пирда айтпанча. Ол кижи тезе кӱн сайа кел, сураптыр: — Оңнабалдың ма? — теп. Кат айтча: — Пирда айтпанча, теп. Анаң ол кижи айттыр: — Ээде полғанда, сен эриңе араға иштепперзең. Ол темде айна ол позу, кижи полчӧрчитқан полтур. Анан по қат айттыр: — Қайча араға иштерге, мен пирда оңнабанчам. Айна айттыр: — Мен саға айдаперем қайде иштерге: Поза урсал, — теп, айттыр. — Поза турсалзаң, ӱш-тӧрт кӱн турған сооның анаң тигибаларзың, — теп айттыр. — Қайча тикчениң мен полужа- рым, — теп айттыр. 3 Анаң ӱш-тӧрт кӱн сооба, по айнаба қат араға тигибалтырлар. Арағаға тигибалғанда, айна айттыр: — Ам эриң келип, кӱжӱ шықпарза, орта стакан урубал, — теп, айттыр. Эриң сурар «ноо небе, қайдаң алған?» — теп, сен