Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

чытқанда тезе, ол қыс ағаш тудунтыр. Ағаш салазын қабынып, Челбеген аны ағашпа пирге анаара, айға, тартыбалтыр. Айға тартыбалғанда, позу энкелтир, а ол қыс палазы ол ағашпа айға ээде чатқалтыр. Анаң аара ай тоолада ээде кӧрӱнча: ағаштар кӧрӱнча, қыс палазы и педре* чилеп кӧрӱнча. 21. [ЧЕЛБЕГЕНМЕ ТӱЛГӱ] Челбегенме тӱлгӱ ай-кӱнни талаштырлар. Тӱлгӱ айттыр: — Пир ай — чӱс [кӱн полар], пир ай — чӱс! Пир айды чӱс кӱн ползун теп! А Челбеген талажбалтыр: — Пир ай — одус, пир ай — одус — теп! 22. АСТЫҚПАРҒАН ООЛАР 1 Қыс палазы, парған честек сағарза и астықпарған. Астықпар: чӧре-чӧре, пир угечеқке параберзе, анда Челбен чатчын. Челбен оланы пойунға албалген, қыс палазын, и чатқаннар, чатқаннар. Анаң ылардың пала получился. Анаң ол ага опять честеқ сапчын эр паллары чӧрӱп, ылерге* пара пергеннер, тоже астыгыба- лып. 2 Анан ылерге анда қонғаннар. Оқ, усчатсыра. Че, қатты тезе оңнапчын, что Челбен ылерди ӧдӱрер теп. Усқанкелзе, Челбен ноозын, қылыжын, эгибодурчин: — Қылдыр, қылдыр, пычағым! Ооллар мойну кесчӧгум. Қылдыр, қылдыр, пычағым! Қыстар эмче кесчӧгӱм! — теп. 3 Анаң ол абыққайы шағана тарынған: — Сен ненме* алынбодурчазың. Ағыйян, чат, узу-узу! — теп. Анаң азы айтчын: — Ой, мен алынпартырым-но! — теп. Анаң чат узубусқан. Ноо ээдеткел, ол ыларды чӱче ле ӧдӱр- беен*.