Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қара Қааның оолағы айттыр: — Қарындажың оңнабан қалдың ма? Ачазы айттыр: — Меең қарындажым чоқ, аны аң-қуштар чииппарган. Ол қыйалы чоқ қысты ээде иштепсалтырым! Анаң қыс қарындажы айттыр: — Мен саға тарынманчам, — тедир. — Сен чабал кижидең сӧзӱн уғуп, ээде иштедиң! Ээде чооқтажбалып, апшыйды қоже алыбалып, тӧртели эмге нантырлар. Улуг той иштеп, чақшы чаттырлар. Ол чабал Муқалай- ды шабып, эңчерге аппарсалтырлар. 13. КИЙИГЕШ ЭР ҚАРЫНДАЖЫБА, ТИЙИҢЕШ ҚЫС ҚАРЫНДАЖЫ 1 Пир Кийигеш эр қарындажы Тийиңеш қыс қарындажы. Кийигизи айтча: — Аңнап-қуштап шығайын, — тедир, — мен! Аңнап-қуштап шығыбысты. По (Тийиңештин) негечин по- зуның ағрызы полубусты, бабушка тилеп парыбысты по Тийиңеш. Анаң парғаны, пир қат тоғашпарды: — Қайа парчаң? — Бабушка тилеп, парчам, — тедир Тийиңеш, — по неге- чим ағрыбысты. — Менең улуғ бабушка тапассың! — тедир. 2 По қат ақкелди: че, оолақ, по туғабалған соонда Кийигеш ачықтың энгелеқ, анаң по гостинцевеба парарға, эзе, ба- бушқазынға. Палазын қучақтан гостинца пыжырбалып, парды- лар. Анаң парғаннары: тебир сал иштепча. Тебир сал иштеп: — Тоқталаар, — тедир, — чӱтче одур турар. Ол тебир салды талайга ақкел тӱжӱрӱбӱсти, анаң по қатты палазың кӧзӱбе тебир салға одуртупкелип, всякий анда қуртар салып, ийдибисти талайға. Анаң сал арақ-перақ чӧрча.